धनुषामा छुरा प्रहार गरी जेठानीद्धारा देवरानीको हत्या !

न्यूज ब्यूरो, जनकपुरधाम । धनुषामा जेठानीद्धारा देवारानीको हत्या भएको छ ।

धनुषाको औरही नगरपालिका १ झिटकैयाका अहमद राईनका श्रीमती २६ वर्षकी सुनौल खातुनले आफ्नै देवरानी २२ वर्षकी सहानी खातुनको छुरा प्रहार गरी हत्या गरेकी छन् । सोमबार साँझ घरायसी विवादको कारण जेठानी सुनौलले देवरानी सहानीको शरीर भरी ५ ठाउँमा छुरा प्रहार गरेपछि लगत्तै अस्पताल ल्याइएको थियो ।

जनकपुरको काव्या हस्पिटलमा उपचारको क्रममा सहानीको मृत्यु भएको हो । देवरानीलाई छुरा प्रहार गरी जेठानी सुनौलले स्वयं आफ्नै पेटमा समेत आफैले छुरा प्रहार गरी घाइते भएकी छन् । उनको जनकपुर अञ्चल अस्पतालको आईसियुमा उपचार भइरहेको छ ।

मृतक सहानी सुनौलकी कान्छो देवर विवरण राईनकी श्रीमती हुन् । घटना सम्बन्धमा थप अनुसन्धान भइरहेको जिप्रका धनुषाको प्रवक्ता तथा डिएसपी रामेश्वर कार्कीले जानकारी दिए ।