धनुषामा माटरसाईकल दुर्घटना, चालकको अवस्था चिन्ताजनक

न्यूज ब्यूरो, धनुषा । धनुषामा मोटरसाईकल दुर्घटनामा परी एकजना गम्भीर घाईते भएका छन् ।

धनुषाको सबैला नगरपालिका वडा नं. १० स्थित खरयाना–अमरखान्ना सडकखण्डमा बिहान १० बजेतिर खरयानी तर्फबाट आउँदै गरेको मोटरसाइकल बिजुलीको खम्बामा ठोकिँदा मोटरसाईकल चालक गम्भीर घाइते भएका हुन् ।

मोटरसाईकल दुर्घटनामा परेर घाईते हुनेमा सबैला नगरपालिका १० का अन टेस्ट सुपर स्पेलेन्डर मोटरसाईकलमा सवार २६ वर्षीय रिकु कापर रहेका छन् । दुर्घटनामा कुनै अर्को पक्ष नभई उनी आफैं अनियन्त्रित भएर दुर्घटना भएको खरयानी चौकीका एक हवलदारले बताए ।

रिकु बिहान १० बजे आफ्नी दिदिलाई ल्याउन जाँदै गरेको क्रममा बाटोमा दुर्घटनामा परेको प्रत्यक्षदर्शीले बताएको छ । उनको अवस्था चिन्ताजनक रहेकाले उपचारका लागि जनकपुर अञ्चल अस्पतालमा पठाइएको छ ।