धनुषामा धामीसँग झारफुक गराउन गएकी महिला लुटिए  !

न्यूज ब्युरो, जनकपुरधाम । धनुषामा एक महिलाले धामी झाँक्रीसँग झारफुक गराउन गएकी एक महिला लुटिएकी छन् । (नाम गोप्य राखिएको छ )

धनुषाको कमला नगरपालिका वडा नं. ८ टेरहा टोल बस्ने एक महिला धामीझाँक्रीसँग झारफुक गराउन गएकी बेला धामीले उनको गलाको मँगलसुत्र लिएर फरार भएको ईलाका प्रहरी कार्यालय यदुकूहाले जनाएको छ । यदूकुहाका प्रहरी नीरिक्षक दिपक बाबू केशीका अनुसार अन्धविश्वासमा परेर झारफुक गराउन गएकी ति महिला धामीले मँगलसुत्र लुटेर भागेको निवेदन दर्ज गराएकी बताएछन् । सो आरोपमा एक जनालाई प्रहरीले पक्राउ समेत गरेको छ ।

प्रहरीका अनुसार मुख्य आरोपित मानिएको झाँक्री रफिक राईन फरार रहेका छन् भने उनका सहायक सुवोन दास भने पक्राउ परेका छन् । शुक्रबार दिउँसै स्थानीय ती महिलाले आफ्नो समस्या निदानका लागि राईनलाई समस्या सुनाएकी थिइन । उनलाई अन्धविश्वासमा पारी एकान्तमा लगेर चारआनाको सुनको मँगलसुत्र लिएर भागेको पीडित महिलाले प्रहरीलाई बताएकी हुन् । सुनको मंगलसुत्र लुटेर भाग्ने क्रममा गाउँलेहरुद्वारा उनका सहायक दासलाई भने पक्राउ गर्न सफल भएको जनाइएको छ । झाँक्री शहिदनगर नगरपालिका वडा नं. ७ निवासी रहेको खुलेको छ ।

पक्राउ परेका लाई अहिले ईलाका प्रहरी कार्यालय यदुकोहामा राखिएको छ । आरोपित दासलाई छुटाउनको लागि दबाब समेत आएको बुझिएपनि प्रहरी नीरिक्षक केसीले उनलाई नियन्त्रणमा लिएर अनुसन्धान जारी राखेको तथा फरार आरोपित राईनको खोजी कार्य तीव्र पारिएको जनाएका छन् । ग्रामिण भेक सहित शहरिया भेकमा पनि अन्धविश्वासका कारण धामीझाँक्री उपर विश्वास गर्दा बेला बेलामा आम सर्वसाधारण फँस्ने गरेको देखिएको छ ।