धनुषामा ट्याक्टर दुर्घटनामा परी एकको मृत्यू

न्यूज ब्यूरो, धनुषा । धनुषामा ट्याक्टर दुर्घटनामा परी एकजनाको ज्यान गएको छ ।

धनुषाको क्षिरेश्वरनाथ नगरपालिका ६ स्थित सखुवा–औरहा ज. १ त. ५५५० दुर्घटना हुँदा सवार एकजनाको मृत्यू भएको हो । मृत्यू हुनेमा मिथिला विहारी नगरपालिका ६ सिरसियाका ३० वर्षीय जोगना महरा रहेका छन् ।

शनिवार दिउँसो ३ बजेतिर ट्याक्टर दुर्घटनामा परेको हो । दुर्घटना लगत्तै चालक फरार भएका छन् भने उनको खोजविन तीव्र पारिएको ईलाका प्रहरी कार्यालय महेन्द्रनगरका प्रहरी निरीक्षक अमिर दाहालले बताए ।

शव पोष्टमार्टमको लागि जनकपुर अञ्चल अस्पताल पठाइएको छ ।