धनुषाका सामुदायिक विद्यालय १२ दिनका लागि बन्द

जनकपुरधाम, १८ पुस ।

चिसो बढेपछि धनुषाका समुदायिक विद्यालयहरु १२ दिनसम्मको लागि बन्द हुने भएको छ । हुस्सु र शितलहरका कारण चिसो बढे लगत्तै स्थानीय प्रशासनले १२ दिने विदाको घोषणा गरेका हुन ।

मौसम प्रतिकुल भएपछि धनुषाका सामुदायिक विद्यालय १२ दिनका लागि बन्द गरिएको छ । जिल्ला शिक्षा कार्यालयमा बसेको बैठकले बुधबारबाट १२ दिनका लागि सामुदायिक विद्यालय बन्द गर्ने निर्णय गरेको हो । माघ २ गते देखि पुन संचालन हुने जनाएको छ ।

अत्यधिक चिसो भएपछि धेरै जिल्लाहरुमा शैक्षिक संस्था बन्द गर्न थालिएको छ । चिसो बढेपछि तराई क्षेत्रको जनजिवन कष्टकर बनेको छ । हुस्सु र शितलहरका कारण चिसो बढेको हो । अस्पतालहरुमा निमोनिया र दमका बिरामीको संख्या बढेको छ ।