कमला नगरपालिकाको बजेट ५५ करोड, शिक्षा र भौतिक पूर्वाधार प्राथमिकतामा

न्यूज ब्यूरो, जनकपुरधाम । निकै कम समयमा विकासको मुहार फेरेका धनुषाको कमला नगरपालिकाको नगर परिषद सम्पन्न सहित नीति तथा कार्यक्रम सार्वजनीकरण समेत गरिएको छ ।

शुक्रबार (आज) एक समारोहबीच कमला नगरपालिकाले आर्थिक वर्ष २०७६/७७ को लागि बजेट ल्याउँदै आगामी नीति तथा कार्यक्रम समेत सार्वजनीकीकरण गरेका हुन् । नगरपालिकाका नगर प्रमुख राम उदगार गोईतको अध्यक्षतामा सम्पन्न भएको सो समारोहबाट नगरकी उपप्रमुख शिला देवी मण्डलले बजेट वक्तत्व प्रस्तुत गर्दै यसपालीको बजेटमा शिक्षा र भौतिक पूर्वाधार निर्माणलाई प्राथमिकतामा राखिएको बताइन् ।

आर्थिक वर्ष २०७६/७७ को लागि ५४ करोड ९१ लाख ८८ लाख ८ सय ३९ रुपैयाँ २ पैसा गरी करिब ५५ करोडको बजेट विनियोजन गरिएको हो । कुल बजेट विनियोजनमध्ये ३७ करोड ६७ लाख २५ हजार अर्थात ६८.६ प्रतिशत पूँजीगत र १७ प्रतिशत २४ लाख ६३ हजार ८ सय ३९ रुपैयाँ गरी ३१.४ प्रतिशत बजेट विनियोजन गरेको उपप्रमुख मण्डलले सुनाइन ।

उपमेयर मण्डलद्धारा प्रस्तुत गरिएको चालु आर्थिक वर्षको बजेटमा सुशासन, भौतिक पूर्वाधार निर्माण तथा समाजिक विकास, नीतिगत कानुनी एवम् संचरनागत प्रबन्ध, सार्वजनिक सेवा प्रवाहमा सुधार र सार्वजनिक खर्चमा वितीय अनुशासन र पादर्शीता, बालबालिकाहरुको हकहितको संरक्षण एवम् महिला सशक्तिकरण तथा क्षमता विकास, उद्यमशिलताको विकास र रोजगारी सृजना, स्थानीय मौलिकता ऐतिहासिक तथा साँस्कृतिक धरोहरहरुको संरक्षण र प्रवद्र्धन, सरसफाई एवम् वातावरणीय स्वच्छता अभिवृति जस्ता कार्यक्रमलाई प्राथमिकता दिइएको जनाइएको छ ।

यसका साथै चालु आर्थिक वर्षको लागि विनियोजित बजेटमध्ये पूंजिगत र चालु गरी कुल ९० प्रतिशत खर्च हुने अनुमान गरिएको छ । यस आर्थिक वर्षमा अनुमान गरिएको खर्चमध्ये व्यहोर्ने श्रोतमध्ये राजस्व बाँडफाँडबाट ९ करोड ११ लाख, नेपाल सरकारबाट प्राप्त हुने वित्तिय समानिकरण अनुदानमा ११ करोड ९५ लाख र संघीय सरकारबाट हस्तान्तरीत विभिन्न कार्यक्रम लागयत समाजिक सुरक्षा कार्यक्रमका लागि सशर्त अनुदानाबट १२ करोड ४५ लाख, प्रदेश सरकारबाट वित्तिय समानिकरण अनुदान २ करोड ४३ लाख ७१ ह्जार र गत आर्थिक वर्षको चालु तथा पुंजिगतबाट अ.ल्या. गरिएको मौज्दात १८ करोड १९ लाख १८ हजार ९ सय ९० गरी सन्तुलित बजेट अनुमान गरिएको हो ।

यता, प्राथमिकतामा राखिएको भौतिक पूर्वाधार विकासको कार्यको लागि पूर्वाधार विकास तर्फ मात्रै २३ करोड ३३ लाख ७० हजार विनियोजन गरिएको जनाइएको छ । सो शिर्षक अन्तर्गत सडक निर्माण र सँस्थागत भवन निर्माणहरु सहित समाजिक विकासका निर्माणहरुलाई समेत जोड दिइएको हो ।

यस आर्थिक वर्षमा लिइएको तथा निर्धारण गरिएको विभिन्न उदेश्यपूर्तिको लागि पूर्वाधार र निर्माण र स्तरोन्नति, कृषिको आधुनिकीकरण र व्यवशायीकरण, फोहरमैला व्यबस्थापन र वातावरण संरक्षण , रोजगारीको अवसरहरु श्रृजना, संस्थागत क्षमतामा अभिवृद्धि , विद्युतिय सेवा प्रवाह मार्फत सार्वजनिक सेवाको प्रभावकारिता अभिबृद्धि गर्ने, सुशासनमा जोड दिने जस्ता पैतराहरु अपनाउने नगरपालिकाका प्रमुख प्रशासकीय अधिकृत उमेश यादवले जानकारी दिए ।

अधिकृत यादवका अनुसार, गत आर्थिक वर्षमा केही दिनमै भएको विकासको गतिलाई मापन गर्दै त्यही गतिलाई यसवर्ष पनि तीव्रता दिएर विकासको अनुभूतिलाई जनता माझ अझ प्रगाढ बनाउने बताए । उनले कमला नगरपालिकाको विकासको लागि यहाँका जनताहरु समेत सहकार्य गर्ने गरेको बताउँदै नगरपालिकाको हरेक वडामा बिजुली पहुँच बनाएर जनतालाई अँध्यारोबाट उज्योलोको बाटो देखाइएकोप्रति कृज्ञता प्रकट गरे ।

यसपाली कमला नगरपालिकामा शिक्षालाई बढी जोड दिँदै कमलाको शैक्षिक सपना, शिक्षा सबैको नैसर्गिक अधिकार, एईई परीक्षामा उच्च सफलताको अपेक्षा, एक विद्यालय एक बगैँचा, एक विद्यालय, एक पुस्तकालय, स्वास्थ शरिरमा स्वस्थ दिमाग, सूचना प्रविधिको उपयोग र आधुनिक शिक्षाको सँयोग जस्ता कार्यक्रमहरु सँचालन गरिने नगपालिकाका योजना शाखा प्रमुख चन्द्रप्रकाश यादवले जानकारी दिए ।

यादवका अनुसार जनप्रतिनीधिसँग जनतालाई प्रत्यक्ष रुपमा सम्पर्क बनाउने गरी योजनाहरु समेत ल्याइएको छ । यसका साथै कमला नगरपालिकाको वडा नं. १ लाई पूर्ण डिजिटल बनाउने योजना लगभग अन्त्यतिर रहेको बताउँदै आधी वडामा फ्रि वाईफाई जडान भईसकेको तथा केही भागमा मात्र जडान बाँकी रहेको बताए । केही दिनपछि मात्र वडा नं. १ पूर्ण रुपमा डिजिटल र प्रविधि पहुँचमा हुने दाबी प्रमुख यादवले गरे ।

यसका साथै, पूर्वाधार र संरचना विकास नीति तर्फ कमला नगरपालिकालाई शहरको रुपमा विकशित गर्न सिटी (शहर) अवधारणालाइ अंगिकार गरि पञ्च बर्षे आवद्यिक योजना तयार गरी सोही बमोजिम बार्षिक योजनाहरु तर्जुमा गरिने संकल्प लिइएको छ भने कमला नगरपालिकाको नगरबासीहरुका लागि नगर केन्द्र र वडा केन्द्रमा सहज पहुँचका लागि र शहरी पूर्वाधार विकासका लागि चक्रपथ (रिग रोड) निर्माण गर्न विस्तृत अध्ययन प्रतिवेदन तयार गरिने जनाइएको छ ।

नगरसभामा विभिन्न वडाका वडाध्यक्ष, कर्मचारी, स्वयँसेवक, बुद्धिजीवी, नागरिक समाज, सँचारकर्मी, अधिकारकर्मी, सशस्त्र प्रहरी, जनपद प्रहरी, स्वास्थ्यकर्मी, शिक्षाप्रेमीहरुको उपस्थिति रहेको थियो ।
.