उपनिर्वाचनका लागि दल दर्ता गर्न आह्वान, कति सिटमा हुँदैछ चुनाव ?

न्यूज ब्यूरो, काठमाडौं । निर्वाचन आयोगले १४ मंसिरमा हुने उपनिर्वाचनका लागि दल दर्ता गर्न अह्वान गरेको छ । संघ, प्रदेश तथा स्थानीय तहका रिक्त ५१ पदमा उपनिर्वाचनका लागि दल दर्ताको अह्वान गरेको हो ।

प्रतिनिधिसभा, प्रदेशसभा र स्थानीय निर्वाचनका लागि दर्ता भएकाबाहेक दलले भदौभित्र दर्ता गर्न आयोगले आग्रह गरेको छ । उपनिर्वाचनमा भाग लिन राजनीतिक दलसम्बन्धी नियमावली २०७४ को अनुसूची १२ बमोजिम ढाँचामा निवदेन दिनुपर्ने आयोगका प्रवक्ता शंकरप्रसाद खरेलले बताए ।

नयाँ दलका रूपमा नेकपा, समाजवादी पार्टी, राष्ट्रिय प्रजातन्त्र पार्टी (संयुक्त), विवेकशील र साझा विवेकशील पार्टीलगायत दल उपनिर्वाचनका लागि दर्ता हुनुपर्नेछ । निर्वाचन आयोगमा हाल १३२ दल दर्ता छन् ।