२ सय ३० लिटर मदिरा धनुषा प्रहरीद्धारा नष्ट

न्यूज ब्यूरो, जनकपुरधाम । धनुषा प्रहरीद्धारा शनिबार २ सय ३० लिटर मदिरा नष्ट गरिएको छ ।

समुदाय प्रहरी साझेदरी कार्याक्रम अन्तर्गत शनिबार ३ः३० बजेको समयमा जनकपुरको जिरोमाईलमा उक्त परीमाण बराबरको मदिरा नष्ट गरिएको हो । जिरोमाईल प्रहरी चौकी जनकपुरका कार्यालय प्रमुख प्रहरी नायब नीरिक्षक राम जिवन प्रसाद कुर्मीको कमाण्डमा खटी गएको प्रहरी टोलीले बिभिन्न मिति र स्थानमा चेक जाँचको क्रममा बरामदा गरी ल्याएको मदिरा नष्ट गरिएको हो ।

मदिराको तस्करी सहित अवैद्य रुपमा बनाइएको मदिरा सार्वजनिक सवारी साधनको चेकजाँचको क्रममा बरामद गरिएको मदिरा स्थानीय बुद्धिजीवी, सँचारकर्मी, वडाध्यक्ष, भद्रभलादमी, राजनीतिक दलका प्रतिनीधिहरु र स्थानीय क्लबको रोहबरमा नष्ट गरिएको हो । अवैद्य मदिराको कारोबार धनुषाको पूर्वी भेकमा फस्टाएको छ भने भारतीय सीमासँग नजिक रहेको गाउँ बस्तीहरुमा अवैद्य कारोबार बढी हुने गरेको देखिएको छ ।