लहानको फोहोर व्यवस्थापन विवाद उग्र !

न्यूज ब्यूरो, सिरहा । सिरहाको सबैभन्दा ठूलो नगर लहान नगरपालिकामा फोहोर व्यवस्थापन विवाद उग्र बन्दै गएको छ ।

लहान नगरपालिका वडा नं. ४ स्थित रहेको सार्वजानिक जग्गामा नगरपालिकाले फाल्दै आएको फोहोर फाल्न स्थानीयहरुले रोक लगाएपछि विवाद उग्र बन्दै गएको हो ।

स्थानीयबासीहरुले त्यहाँ फोहोर फाल्न नदिएपछि शुक्रबार नगरपालिकाले उनीहरु उपर बल समेत प्रयोग गरेको छ । स्थानीयहरुले रोक लगाएपछि दलबलसहित फोहोर फाल्न पुगेका नगरका मेयर मुनि साहले स्थानीयहरु उपर प्रहरी प्रयोग गराएको हो । मेयरसँगै गएको प्रहरी र विरोधमा उत्रेका स्थानीयबीच भएको झडपमा महिलासहित कयौं घाइते भए ।

निकास दिनुपर्नेमा त्यसो नगरेर स्थानीय उपर बल प्रयोग गरेको भन्दै वडावासीले शनिबार मेयर मुन्नी साहविरुद्ध प्रदर्शन गरेका छन् ।

बस्ती नजिकै रहेको सार्वजनिक जग्गामा नगरपालिकाले फालेको फोहोरका कारण वातावरण विग्रिनुका साथै विभिन्न किसिमको रोगले सताएपछि स्थानीय बासिन्दा प्रतिकारमा उत्रेका हुन् ।