जनमत पार्टीको केन्द्रीय समिति बैठक वीरगञ्जमा बस्दै

न्यूज ब्यूरो, जनकपुरधाम । जनमत पार्टीको केन्द्रीय समिति बैठक वीरगञ्जमा बस्ने भएको छ ।

डा. सिके राउत नेतृत्वको जनमत पार्टीको आगामी रणनीतिबारे छलफल गर्न आउँदो १७ गते मंगलबार केन्द्रीय समिति बैठक बस्न लागेको हो ।

जनपट पार्टीका अध्यक्ष राउतसहित पार्टीका केन्द्रीय नेताहरुको उपस्थितिमा हुने बैठकमा आगामी रणनीतिबारे छलफलसहित समसामायिक राजनीति विषयमा छलफल हुने जनमत पार्टीका केन्द्रीय सदस्य चन्दन सिंहले जानकारी दिए ।

नेपाल सरकारसँग ११ बुुँदे सहमति पश्चात् मूलधारको राजनीतिमा अवतरण गरेका डा. राउतको नेतृत्वको जनमत पार्टीको बैठकमा राजनीतिक एजेण्डा पनि प्रस्तुत गरिने जनाइएको छ ।

नोट : यो समाचारमा यसअघि वीरगञ्जको साट्टा जनकपुर उल्लेख गरिएको थियो, त्यो सच्याइएको छ । भूलको लागि क्षमाप्रार्थी छौं ।