७० वर्षमाथिका वृद्धवृद्धालाई हवाई भाडामा अबदेखि ५० प्रतिशत छुट

न्यूज ब्यूरो, जनकपुरधाम । नेपाल सरकारले ७० वर्षभन्दा माथिका वृद्धवृद्धालाई हवाई भाडामा अबदेखि ५० प्रतिशत छुटको व्यवस्था मिलाउने भएको छ ।

पर्यटनमन्त्री योगेश भट्टराईले ७० वर्षभन्दा माथिकालाई हवाई भाडामा ५० प्रतिशत छुट दिने घोषणा सोमबार गरेका हुन् । यो प्रबन्ध नेपाल वायुसेवा निगममा तत्काल लागु हुने र निजी क्षेत्रका हवाइसेवा कम्पनीहरुसँग पनि यस बारेमा परामर्श गरी कार्यान्वयन गराउन तत्काल पहल गरिने भएको बताइएको छ ।

मन्त्रालय र मन्त्रालयसँग सम्बन्धित कार्यालयहरूको कार्ययोजना सार्वजनिक गर्न सोमबार मन्त्रालयमा गरिएको पत्रकार सम्मेलन मन्त्री भट्टराईले यो निर्णयको घोषणा गरेका हुन् ।

मन्त्री भट्टराईले त्रिभुवन विमानस्थलको व्यापक सुधारको कार्ययोजना पनि सार्वजनिक गरेका छन् ।