कम्युनिस्ट सरकारले जनतालाई न हाँस्न दियो न रुन दियो : देउवा

न्यूज ब्यूरो, काठमाडौं । नेपाली कांग्रेसका सभापति तथा पूर्व प्रधानमन्त्री शेरबहादुर देउवाले कम्युनिस्ट सरकार यमराज बन्न खोजेको टिप्पनी गरेका छन् ।

पार्टी प्रशिक्षण कार्यक्रममा देउवाले दुई तिहाइको दम्भ देखाँउदै वर्तमान कम्युनिस्ट सरकार अधिनायकवादी बनेको आरोप लगाएका हुन् । उनले वर्तमान कम्युनिस्ट सरकार राणा शासनको भन्दा अधिनायकवादी बनेको तर्क गरेका छन् ।

वर्तमान सरकारले राणा शासनभन्दा अधिक बनेर जनतालाई हाँस्न र रुन पनि नदिएको उनको आरोप छ । उनले नेपालबाट कम्युनिष्ट साशन चाँडै अन्त्य हुने ठोकुवा समेत गरे ।