धर्म संस्कृतिको समबद्र्धनमा प्रतिबद्ध छौ : मुख्यमन्त्री राउत

न्यूज ब्यूरो, प्रदेश नं. २ । प्रदेश नं. २ का मुख्यमन्त्री मो. लालबाबु राउतले धर्म संस्कृतिको सम्बद्र्धनमा प्रदेश सरकार प्रतिबद्ध रहेको बताएका छन् ।

श्री कृष्ण प्रणामी युवा परिषद नेपालले कृष्णाष्टमीको सार्वजनिक विदाको मांग गर्दै बुझाएको ज्ञापन पत्र ग्रहण गर्दै मुख्यमन्त्री राउतले सर्वधर्म समभावको नीति अवलम्बन गर्दै प्रदेश सरकार धर्म संस्कृतिको सम्बद्र्धनमा कुनै कसर बाँकी नराखिने बताए । उनले धार्मिक सहिष्णुता कायम गर्नको लागि प्रदेश सरकारले कुनै कसर बाँकी नराख्ने बताए ।

हरेक धर्मको उत्तिकै मान्यता तथा सम्मान रहेकोले सबै धर्म निहित धर्म सँस्कृतिको समबद्र्धनमा प्रदेश सरकार प्रतिवद्ध रहेको प्रतिक्रिया दिएका थिए । कृष्णाष्टमीको अवसरमा भदौ ६ गते प्रदेश सरकारले क्यालेण्डर मै विदा सार्वजनिक गरि सकेको उल्लेख गर्दै उनले कृष्णाष्टमी जस्तो महान पर्वमा संघ सरकारले समेत विदा गर्नु पर्ने र त्यसको लागि आफुले पहल समेत गर्ने प्रतिबद्धता जनाए ।