धनुषामा मोसा दुर्घटना हुँदा २ गम्भिर !

न्यूज ब्यूरो, महेन्द्रनगर । धनुषामा मोटरसाईकल (मोसा) दुर्घटना हुँदा दुई जना गम्भिर घाईते भएका छन् ।

धनुषाको क्षीरेश्वरनाथ नगरपालिका वडा नं. ३ पकडिया र मँगलपुर सडकखण्ड अन्तर्गत मोटरसाईकल दुर्घटना भएको ईलाका प्रहरी कार्यालय महेन्द्रनगरका प्रहरी नीरिक्षक अमिर दाहालले जानकारी दिए । दाहालका अनुसार ३ जना सवार उक्त मोटरसाईकलका चालकले मापसे गरी मोटरसाईकल चलाएको कारण दुर्घटना भएको हुन सक्ने जनाएको छ ।

मोटरसाईकलमा ३ जना सवारमध्ये क्षीरेश्वरनाथ नगरपालिका वडा नं. ४ हरैया बस्ने अन्दाजी बर्ष ३० का राकेश मण्डल र वर्ष २८ का किशन मण्डलको अवस्था गम्भिर भएको जनाइएको छ । उनीहरुको उपचारको लागि जनकपुर अञ्चल अस्पताल पठाईको जनाइएको छ । प्रदेश नं. २ – ००१ प ०२०३३ नम्बरको मोटरसाईकलमा उनीहरु सवार भएका थिए । एक जनाको अवस्था भने समान्य रहेपनि उनको मुखमा चोट लागेर रगत आएको बताइएको छ ।

उनीहरु मादक पदार्थ सेवन गरी मोटरसाईकल अत्यधिक तीव्र गतिमा चलाएकोले अनियन्त्रित भएर दुर्घटना भएको स्थानीयहरुले बताएका छन् । दुर्घटना भएलगत्तै घटनास्थल पुगेका स्थानीयहरुले गम्भिर मण्डलद्धयलाई उपचारको लागि जनकपुर पठाएका हुन् । यस बारे थप जानकारी आउन बाँकी छ ।