ट्रकले ठोक्दा मोसा चालक ठहरै, एक अस्पतालमा  !

न्यूज ब्यूरो, सुनसरी । मोटरसाईकल (मोसा) लाई मालवाहक ट्रकले ठक्कर दिँदा एक जनाको घटनास्थलमै मृत्यू भएको छ ।

पूर्व पश्चिम राजमार्ग अन्तर्गत भारतीय मालबाहक ट्रकले सुनसरीको इनरूवा वडा नं. ४ स्थित मोटसाइकललाई ठक्कर दिँदा मोटरसाईकल चालकको घटना स्थलमै मृत्यु भएको जिल्ला प्रहरी कार्यालय सुनसरीले जनाएको छ । तीव्र गतिमा रहेको ट्रकको ठक्करले सुनसरी इनरुवा वडा नं. १ बस्ने राम शर्माको घटनास्थलमै मृत्यू भएको जनाइएको छ ।

पूर्वबाट पश्चिम तर्फ जादै गरेको युपी ४१ सी ८२३४ नम्बरको मालबाहक ट्रकले बिपरीत दिशाबाट आउदै गरेको को १९ प १७३ नम्बरको मोटरसाइकललाई ठक्कर दिदा मोटरसाईकल चालक शर्माको घट्नास्थलमै मृत्यु भएको छ भने मोटरसाइकलको पछाडी बसेका इनरुवा वडा नं. ९ बस्ने बर्ष ४० को मदन मेहता गम्भिर घाईते भएको प्रहरीले जनाएको छ ।

ट्रकसहित चालक भारत उतर प्रदेशका बर्ष २४ को तोसेल मियालाई जिल्ला प्रहरी कार्यालय सुनसरीले नियन्त्रणमा लिएको छ भने घाईते मेहताको गोल्डेन अस्पताल बिराटनगरमा उपचार भईरहेको जनाइएको छ । मेहताको टाउको र पियुठमा गम्भिर चोट लागेको जनाइएको छ । यस घटनाबारे अनुसन्धान थालिएको प्रहरीले जनाएको छ ।