बाढी पीडितलाई वडाध्यक्ष सहनीको राहत

न्यूज ब्यूरो, रौतहट । अबिरल बर्षाका कारण गएको विनाशकारी बाढीबाट पीडित भएका परिवारलाई राहत वितरण गरिएको छ ।

रौतहटको गरुडा नगरपालिका वडा नं. २ स्थित गेडही गुठीमा मँगलबार नेपाल भारत मैत्री समाजका संयोजनमा वडाध्यक्ष बिशुन्देव सहनीद्वारा बाढी पीडित परिवारलाई राहत वितरण गरिएको हो । विगत लामो समयदेखि अविरल वर्षाका कारण गेडही गुठीमा अनुगमन गर्दा गेडही गुठीका व्यक्तिहरुलाई ठूलै क्षति भएको भन्दै वडाध्यक्ष सहनीले राहत वितरण गरेका हुन् ।

सो वडाका वडा सदस्य दिनेश ठाकुर साथै गेडही गुठीको मावि स्कूलका व्यबस्थापक समितिका अध्यक्ष हरिलाल सहनी र समाजसेवी मनोज सहनी, नेता रामवीर सहनी, राष्ट्रीय कलाकार गायक रञ्जित कुमार सहनी र हिन्दू सांस्कृतिक परिषद् रौतहट जिल्ला अध्यक्ष र कलाकार गायक प्रमोद पिया समेतको लगायत उपस्थितमा राहत वितरण गरिएको थियो ।