कक्षा १२ को रिजल्ट आज

न्यूज ब्यूरो, काठमान्डौं । गत बैशाखमा सम्पन्न कक्षा १२ को परीक्षाको नतिजा आज (सोमबार) आउने भएको छ ।

राष्ट्रिय परीक्षा बोर्डले आज साँझसम्म सार्वजनिक गर्ने तयारी गरेको छ । नतिजा प्रकाशनको तयारीमा कुनै प्राविधिक कठिनाई नआए बोर्डको बैठक बसेर प्रकाशितगर्ने सम्भावना रहेको सदस्य सचिव दुर्गाप्रसाद अर्यालले जानकारी दिए । आर्यालका अनुसार, साँझसम्म नतिजा प्रकाशनको लागि धेरै जसो तयारी पुरा भईसकेकोले अन्य कुनै प्राविधिक अवरोध नआए समयमै सार्वजनिक हुने बताउँदै त्यसको लागि बोर्डको बैठक पनि अरान्ह ४ बजेको लागि डाकिएको बताए ।

परीक्षामा ४ लाख २८ हजार ५२ जना विद्यार्थी सहभागी छन् । साधारण तथा प्राविधिक विषय समूहका नियमति, ग्रेडवृद्धि र आंशिक परीक्षार्थीको परीक्षा देशभरका १ हजार १ सय ७ परीक्षाकेन्द्रमा भएको थियो ।