" रानी ! तोरा एभरेष्टो स भि बडका आई लव यू हौ "

जनकपुरधाम, ११ पुस ।

हो, यो डायलग " रानी, तोरा एभरेष्टो स भि बडका आई लव यू हौ " समाजसेवी राजकुमार महतोद्धारा निर्मित फिल्म रज्जा रानी को हो ।
‘राज्जा रानी’ मैथिली भाषामा पनि, २० लाखको सम्झौतामा नेपाल, भारत सहित अन्य विदेशी मुलुकहरुमा समेत प्रदर्शन हुने

आगामी पुष २१ मा प्रदर्शन हुने फिल्म हो ‘राज्जा रानी’ । प्रोमो र गीतका कारण चर्चामा रहेको यस फिल्म सबै दर्शकमा प्रतिक्षित बन्दै पनि गएको छ ।

नाजिर हुसेन र केकी अधिकारी स्टारर फिल्मले पश्चिम तराईको एक जनजाति समुदायको कथा प्रस्तुत गर्नेछ ।

फिल्म, मधेसको लवज निकट रहेको कुरा त, टिमले हालै सार्वजनिक गरेको ‘चिपक चिपक’ बोलको गीतले बोलेको छ । तर, अब भने निर्माण टिमले फिल्म मैथिली भाषामा पनि प्रदर्शन गरिने भएको छ ।

आर्यन फिल्मसको ब्यानरमा रमेश एमके पौडेलको प्रतुती ‘’राज्जारानी’’ मैथिली भाषामा पनि देशभर एकै दिन प्रदर्शन हुने भएको छ । त्यस्तै, प्रस्तुतकर्ता रमेशले दिएको जानकारी अनुसार भारत लगायत अन्य विदेशी मुलुकहरमा समेत प्रदर्शन हुने गरी भोर कम्पनी प्रा।ली का सीईओ राज कुमार महतोसंग रु २० लाखमा फिल्मको संझौता भएको छ ।

यम थापा निर्देशित यस फिल्ममा नाजिर र कामेश्वरसंगै केकी अधिकारी, लक्ष्मी बर्देवा, संगीता नापित, अरुण रेग्मी, दीपक क्षेत्री, विनोद निरौला, अनोज पाण्डे, अशोक आचार्य लगायतको अभिनय छ ।

फिल्ममा ताराप्रकाश लिम्बु र दीपक शर्माको संगीत, पुरुषोत्तम प्रधानको छायांकन, चन्दन दत्तको सम्पादन एवं विक्रम स्वारको नृत्य निर्देशन रहेको छ ।
फिल्म रज्जा रानीमा मधेसको बालबालिकाको वर्तमान परिस्थिति, ग्रामिण भेकको, समाजको सत्यता र बालविवाहको निहुँ र अशिक्षाका कारण हुने अपराधिक क्रियाकलापलाई समेटिएको छ ।

एउटा गरिब परिवारलाई आफनो छोरी किन बोझ हुन्छ ? यस्तो अन्धविश्वास र बाध्यता किन ? भनेर प्रश्न गर्दा यो फिल्म यस प्रश्नको पूर्णत जवाफ दर्साइएको छ ।
यो फिल्म पुस २१ गतेदेखि सिनेमा घरहरुमा प्रर्दशन हुनेछ ।