सर्लाही गोलीकाण्डको छानविन गर्न समिति नबने अब संसद चल्न दिन्नौं : संयोजक यादव

न्यूज ब्यूरो, काठमाडौं । राष्ट्रिय जनता पार्टी (राजपा) नेपालका संयोजक राजकिशोर यादवले सर्लाही घटनाबारे छानविन समिति नबनाए संसद अवरुद्ध पार्ने चेतावनी दिएका छन् ।

संयोजक यादवले आईतबार काठमाडौंमा आयोजित साक्षात्कार कार्यक्रममा बोल्दै सर्लाहीमा प्रहरीको गोली लागेर मृत्यू भएका दुई वटा घटनाको तत्काल छानवीन गर्न संसदीय समिति बनाउन सरकारसँग माग गर्दै यस्तो चेतावनी दिएका हुन् ।

सरकारले सर्लाहीमा भएका यी दुईवटै मृत्यूको घटनाको छानविनका लागि संसदीय समिति गठन नगरे भोली (सोमबार) बस्ने प्रतिनिधिसभाको बैठक अवरुद्ध पार्ने उनले चेतावनी दिए । नेता यादवले सर्लाहीमा भएको दुवै मृत्यू प्रकरण गैर न्यायिक भएकाले आफ्नो पार्टीले संसदीय छानवीन समिति गठन गर्न सरकारसँग माग गर्दै आएपनि सुनुवाई नगरिएको आरोप गुनासो पाखे ।

केहीअघि सर्लाहीमा नेत्रविक्रम चन्द समूहका जिल्ला ईन्चार्ज कुमार पौडेलको प्रहरीको गोलीबाट मृत्यू भएको थियो भने अवैध गिट्टी बालुवा उत्खननबाट बनेको खोल्डोमा परी ज्यान गुमाएका एक बालकको न्यायको लागि प्रदर्शन गर्ने क्रममा झडप हुँदा सर्लाही ईश्वरपुरका सरोजनारायण सिंह पनि प्रहरीकै गोलीबाट मारिएका थिए । कुमार पौडेलको दोहोरो भिडन्तमा मृत्यू भएको प्रहरीले दावी गर्दै आएपनि विप्लवले भने प्रहरीद्धारा हत्या गरिएको दावी गर्दै आएको छ ।

गैरन्यायिक ढंगले प्रहरीबाट मारिएका ती दुबै घटनाको छानविन गर्न संसदीय समिति गठन नभएसम्म संसद चल्न नदिने आफ्नो पार्टीको अडान रहेको पनि संयोजक यादवले जनाए ।