सिरहामा चट्याङ लागेर १ युवकको मृत्यू !

न्यूज ब्यूरो, सिरहा । सिरहामा चट्याङ लागेर एक युवकको मृत्यू भएको छ । सिरहाको अर्नमा गाउँपालिका ३ का २२ वर्षीय बिजुली महराको चट्याङ् लागेर मृत्यू भएको हो ।

महराको आज (मंगलबार) दिउँसो १ बजेको समयमा खेतमा काम गरिरहेको अवस्थामा चट्याङ् लागेर मृत्यु भएको सिरहा प्रहरीले जनाएको छ । चट्याङ् लागेर उनको खेतमै ज्यान गएको हो ।

मृतक महराको शव पोष्टमार्टमका लागि जिल्ला अस्पताल सिरहा ल्याइएको जिल्ला प्रहरी कार्यालय सिरहाका प्रवक्ता तथा डिएसपी अपिलराज बोहराले जानकारी दिए ।