राजनीतिका दिग्गज नेता 'बरबरिया' भए इन्चार्ज

न्यूज ब्यूरो, जनकपुरधाम । राजनीतिमा दिग्गज नेता मानिएका नेकपाका श्रवण (जोग) कुमार बरबरिया यादव नेकपाका ईन्चार्जमा छनौट भएका छन् ।

प्रधानमन्त्री निवास बालुवाटारमा बसेको पार्टी सचिवालय बैठकले नेता बरबरियालाई धनुषा जिल्ला ईन्चार्जको लागि निर्णय गरेको हो । आईतबार बसेको बैठकबाट ७७ वटै जिल्ला र जिल्ला कार्यसमितिकै हैसियतमा रहने ६ वटा महानगरपालिकाको इन्चार्ज र सहइन्चार्जको टुंगो लगाइएको हो ।

आईतबार गरिएको निर्णयले धनुषा जिल्ला इन्चार्जमा जोग कुमार बरबरिया (श्रवण बरबरिया)लाई चयन गरिएको छ भने सह–इन्चार्जमा जुली कुमारी महतो (महासेठ) , महादेव यादव, योगेन्द्र नारायण यादव, यदुवंश झा, रतनेश्वर गोईत यादव, बोधमाया कुमारी यादव, सुधीर शाह, सत्रुधन महतो र हरिनारायण महतो लाई चयन गरिएको छ ।

प्रधानमन्त्रीको सरकारी निवास बालुवाटारमा बसेको सचिवालय बैठकले ७७ जिल्ला कमिटी र जिल्ला कमिटीकै मान्यता पाएका ६ वटा महानगरका इन्चार्ज–सह इन्चार्जको टुंगो लगाएको हो । राजनीति क्षेत्रमा दिग्गज र नेकपाकै प्रभावशाली नेता मानिएका बरबरिया तत्कालिन माओवादी पार्टीलाई संजीवनी प्रदान गरेका थिए ।

धनुषा जिल्लामै राजनीतिमा दिग्गज बरबरिया धनुषा जिल्लाको ईन्चार्ज पदको लागि निर्णय गरिए लगत्तै समाजिक सञ्जाल सहित फोन मार्फत बधाईको ओईरो लागेको छ । जिल्लास्तरीय नेतादेखि कार्यर्ता र केन्द्रीय स्तरका नेताहरुले समेत उनलाई फोन गरी बधाई दिएका छन् । केही दिन अघि मात्र गरिएको निर्णयलाई नेकपाले बदर गर्दै नयाँ निर्णयय अनुरुप बरबरियालाई जिल्ला ईन्चार्जको लागि सिफारिस गरेको हो ।