दुई साताभित्रै कमला झिलिमिली हुन्छ : मेयर गोईत

न्यूज ब्यूरो, जनकपुरधाम । कमला नगरपालिकाका मेयर राम उदगार गोईतले दुई साताभित्रै कमला नगरपालिकाको सम्पूर्ण वडामा बिजुली झिलिमिली हुने बताएका छन् ।

कमला नगरपालिकाको विभिन्न वडामा बिजुली बत्ति बलेपनि पूर्व क्षेत्र (कमला छेउ) को वडा नं. ५ र वडा नं. ७ मा विजुली गएको थिएनन् । शनिबार एक कार्यक्रमबीच मेयर गोईतले वडा नं. ७ हथमुण्डामा विजुलीको स्वीच दिएर उदघाटन गरेका हुन् । कहिले पनि विजुली उपभोग गर्न नपाएका उक्त वडाका जनताहरुले मेयर गोईत स्वीच दिए लगत्तै उत्सासहित भएका थिए भने केही बेर खुसीयाली छाएको थियो ।

मेयर गोईतको अथक प्रयासपछि जिल्लाको हुम्ला जुम्ला जस्तै विकट मानिने कमला नगरपालिको कमला नदी छेउको गाउँहरुमा विजुली नहुँदा आम सर्वसाधारण विभिन्न सुविधाबाट बञ्चित भएको अवस्थामा मेयर गोईतको प्रयासले बत्ति बलेका छन् । शनिबार उनले वडा नं. ७ मा विजुली प्रसारणको उदघाटन गर्दै दुई साताभित्रै बाँकी रहेको वडामा पनि बिजुली बल्ने प्रतिवद्धता जनाए ।

उनले भने, -"यहाँका जनताहरु कहिले पनि बिजुली उपभोग गर्न पाएका थिएनन् यस गाउँमा । अन्यत्र गएको बेला मात्र देखेको विजुली यहाँका बुढापाखाले भने विजुली हेर्न नपाएको अवस्था थियो, जसको कारण डिजिटल दुनियाँ सँगको सम्पर्क समेत प्रगाढ बनाउन सकेको थिएनन् । विजुलीको अभावमा मट्टितेलमा टुकी बालेर बस्नुपर्ने अवस्था थियो । कुनै आपत्तकालिन अवस्थामा पनि झनै जटिल हुने अवस्थामा रहेको बेला विजुली आउँदा गाउँलेहरु खुसी देखिएका छन् ।"

विजुली उदघाटन गर्दै मेयर गोईतले विजुलीको चुहाबट भन्दा पनि उचीत समय र अनुकुल मिलाएर प्रयोग एवम् उपभोग गर्न सल्लाह दिए । उनले दुई साताभित्रै वडा नं. ५ मा समेत बिजुली लाईन प्रसारण हुने जनाउँदै त्यसपछि कमला नगरपालिकाभरि नै बिजुलीको आपूर्ति पूर्ण हुने जनाए । वडा नं. ५ को लक्कडमा विजुली बत्ति गएपछि नगरको सम्पूर्ण वडा विजुली सहित हुने उनले जानकारी दिए ।

विजुलीको लागि अथक एवम् सराहनीय प्रयास गरेको भन्दै स्थानीयवासीहरुले मेयर गोईतलाई प्रशंसा सहित बधाई दिएका थिए । सो क्रममा मेयर गोईतले आफू निर्वाचित भएको बेला नै कमला नगरपालिकाको प्रथम एजेन्डा बिजुली आपूर्ति रहेको बताएका थिए । नगरपालिकाको भौगोलिक संरचना र विभिन्न बाधा अवरोधका कारण ढिलाई भएको भन्दै उनले अन्तत आफ्नो पूर्व घोषित एजेन्डा पूरा गरेको भन्दै खुसी व्यक्त गरे ।

वडा नं. ७ का वडाध्यक्ष तपेश्वर यादवको अध्यक्षतामा भएको सो उदघाटन कार्यक्रममा स्थानीय बुद्धीजीवी, युवा, महिला, विभिन्न राजनीतिक दलका नेता तथा कार्यकर्ता, भद्र भलादमीहरुको मोटो सहभागीता रहेको मेयर गोईत निकट मनोहर ठाकुरले जानकारी दिए ।