शहिदनगरको ऐतिहासिक नगरसभाबाट 'कृषिक्रान्ती, शिक्षा र स्वास्थ्य' लाई प्राथमिकता

न्यूज ब्यूरो । धनुषाको शहिदनगर नगरपालिकाको सम्पन्न एतिहासिक तेस्रो नगरसभाबाट कृषिमा क्रान्तीको योजनालाई प्राथमिकतामा राखेका छन् ।

कृषि प्रधान नगरको रुपमा रहेको शहिदनगर नगरपालिका भित्रको कृषि क्षेत्रलाई आधुनिकीकरणका साथै सहज सिँचाई हेतु सडक सँजाल, पूल र सिँचाईका योजनाहरुलाई प्राथमिकता दिएका हुन् । विहिबार सम्पन्न भएको आगामी आर्थिक वर्ष २०७६/७७ को नीति, तथा बजेट कार्यक्रम सार्वजनिकीकरणबाट प्रस्तुत गरिएको पूर्व प्रतिवेदन अनुसार कृषिलाई जोड दिइएको हो ।

मुलुककै कान्छो मेयर शहिदनगर नगरपालिकाका नगर प्रमुख उदय कुमार बरबरियाले प्रस्तुत गरेको वार्षिक आयव्यय तर्फ करोड १२ लाख ६४ हजार आयव्यय अनुमान गरिएको हो । जसमध्ये ९ करोड १० लाख ९९ हजार चालू खर्च अनुमान गरिएको छ भने प्रशासनिक खर्च तर्फ प्रत्येक वडामा लाई २० लाखका दरले ९ वडाको १ करोड ८० लाख र नगरकार्यपालिका तर्फ रू ७ करोड ३० लाख ९९ हजार गरि कुल जम्मा रू ९ करोड १० लाख ९९ हजार चालु खर्च विनियोजन गरिएको नगरपालिकाका प्रमुख प्रशासकीय अधिकृत नन्द कुमार झाले जानकारी दिए ।

भिडियोमा हेर्नुहोस शहिदनगरको तेस्रो नगरसभा

नगरसभाबाट ससर्त अनुदान तर्फ १६ करोड ३४ लाख बजेट मध्ये नविकरणीय उर्जामा ११ लाख ३२ हजार, सिंचाई मर्मत संम्भारमा ५ लाख, कृषि प्रयोगशालामा ५ लाख, पशु स्वास्थ्य रोग अन्वेशनमा ४ लाख ५ हजार, पशु पंक्षि श्रोत व्यवस्थापनमा २ लाख ४० हजार बजेट अनुमान गरिएको हो ।

यसका साथै खेलकूदको मार्फतले शहिदनगरलाई राष्ट्रिय स्तरमा पहिचान बनाउने उदेश्य हेतु खेलकुद विकास राष्ट्रपति रनिङ्ग सिल्ड प्रतियोगितामा रू १ लाख , सबैको लागि शिक्षा र शिक्षकको तलव भत्ता तर्फ आधारभूत विद्यालयमा ४ करोड ७७ लाख ३७ हजार, मावि तहमा शिक्षकको तलव भत्तामा रू १ करोड २१ लाख ९९ हजार, विधालय क्षेत्र विकास कार्यक्रममा ५ करोड ४५ लाख ७४ हजार, झोलुङ्गेपुल क्षेत्रगत कार्यक्रममा ७ लाख, प्राथमिक स्वास्थ्य सेवाका ३ करोड २४ लाख ७० हजार, क्षय रोग नियन्त्रणमा १ लाख ८८ हजार विनियोजन गर्ने भएको छ ।

तेस्रो नगरसभालाई नेपालको ईमान्दार नेताको गणना मानिएका धनुषाको शहिदनगरकै नेपाली काँग्रेसका धरोहर एवम् वरिष्ठ नेता शिवधारी यादवले दीप प्रज्वलन गरी उदघाटन गरेका थिए । सो क्रममा धनुषाका प्रमुख जिल्ला अधिकराी सिडिओ प्रदीपराज कनेलले मेयर बरबरियाको प्रयासलाई सराहना गरे ।

नगरसभाबाट राष्ट्रिय सुचना तथा संचारमा १ लाख २५ हजार, उपचारात्मक सेवा कार्यक्रममा २८ लाख ५५ हजार, नर्सिंङ्ग तथा सामुदायिक सेवा कार्यक्रममा १२ हजार, आयूर्वेद औषधालयमा १९ लाख ५५ हजार, आयूर्वेद सेवा कार्यक्रममा ७ लाख, रोजगार प्रवर्धन कार्यक्रममा रू २२ लाख, एकीकृत महिला स्वास्थ्य तथा प्रजनन कार्यक्रममा २१ लाख ८ हजार, एकीकृत बाल स्वास्थ्य एवं पोषण कार्यक्रममा र १५ लाख ७४ हजार, माहामारि तथा रोग नियन्त्रण कार्यक्रममा २ लाख ८९ हजार, आपाङ्ग रोगथाम तथा कुष्ट रोग नियन्त्रण कार्य क्रममा १ लाख १९ हजार , अस्पलाल निर्माण सुधार तथा सुचना प्रणालि व्यवस्थापनमा २ लाख ४१ हजार बजेट प्रस्तुत गरिएको हो ।

यसका साथै, प्रधान मंन्त्रि रोजगार कार्यक्रममा रू ४ लाख ७७ हजार समेतगरि कुल जम्मा रू १६ करोड ३४ लाख वजेट विनियोजन प्राप्त दर्साइएको हो । पुँजिगत खर्च तर्फ प्रत्येक वडालाई रू ८० लाखका दरले ९ वडाको रू ७ करोड २० लाख र नगरपलिका तर्फ रू १० करोड ४७ लाख ६५ हजार वजेट विनियोजन सार्वजनिक गरिएको छ ।

साथै, शहिदनगर नगरपालिका वडा नं. ५ पचहर्वामा सहिद सुर्यनाथ रान प्रदेश स्तरिय खेलकुद स्टेडियम र वडा नं. ३ यदुकुहामा सहिद कामेश्वर कुसेश्वर बस पार्क निर्माण हुने भएको छ । नीति अनुरूप वजेट ल्याई कार्यान्वयन गर्ने नगर प्रमुख उदय कुमार बरबरिया (यादव) ले प्रतिवद्धता जाहेर गरे ।

नगरमा ३ करोड सम्म आन्तरिक आय र सडक, सडक पेटि , विधुत, खानेपानि, संचार लगायत नेपाल सरकारले तोकेको न्यून्तम मापदण्ड पूरा गर्न अतिक्रमनमा परेको नेपाल सरकारको नाउमा दर्ता रहेको सार्वजनिक जग्गा एकिन गरि संरक्षण र विकास गर्ने, सार्वजनिक माछा पोखरी आगामि आर्थिक वर्षदेखि ठेक्का वन्दोवस्त गरि आय बढाउने, नगर भित्र संचालनमा रहेका व्यावसाय, उधोग, सेवा, फर्म, संस्था दर्ता, संचालन , अनुमतिको व्यवस्था गरि व्यावसायीलाई करको दायरा भित्र ल्याउने भएको छ ।

नगर भित्र वनेका र अब निर्माण हुने नयाँ घरको नियम निर्धारित विधि प्रकृया अपनाई आन्तरिक आय बढाउने नीति लिएको छ भने बजेट रमक सडक सँजाल, सडक निर्माण, शिक्षा र स्वास्थ्यमा बढी प्राथमिकता दिइएको हो । नगरसभामा विभिन्न निकायका प्रमुख, जनप्रतिनीधि, नगरपालिकाका सम्पूर्ण कर्मचारी, समाजसेवी, सुरक्षानिकाय प्रमुख, सरकारी तथा गैरसरकारी सँस्थाका प्रतिनीधि, विद्यार्थी, युवा, महिला, व्यापारी, किसान लगायत हरेक क्षेत्रका व्यक्तित्वहरुको उपस्थिति रहेको थियो ।