अब स्थानीय तहका छोटेराजाहरुलाई तह लगाउने बेला आयो : प्रभु साह

न्यूज ब्यूरो, रौतहट । नेपाल कम्युनिष्ट पार्टी प्रदेश २ का अध्यक्ष तथा पुर्वमन्त्री प्रभुु साहले राजा ज्ञानेन्द्र जस्तो तनाशाहलाई कहिलै नउर्मिने गरी तह लगाएका जनताले आजकालका छोटे राजालाई तह लगाउनु पर्ने बेला आएको बताएका छन् ।

विजयपुर फतुवा नगरपालिकाको पेटर्भवामा डिप बोरिंग जडानको निरिक्षण र अनतरक्रिया कार्यक्रममा क्षेत्र नंं ३ का सांसद समेत रहेका साहले शनिवार सो कुरा बताएका हुन् । साहले सुखीनेपाली समृद्ध नेपालको परिकल्पना साकार गर्न राजा पछी रजौटाहरुको अन्त हुनुपर्ने बताए ।

बिभिन्न राजनितिक दल र नेपाली जनताको आन्दोलनको बलमा दुुईसय ५० बर्ष देखी नेपालमा जरा गाडीबसेका राजसंस्थाको अन्त भईसकेको तर गाँउ गाँउमा उनका अवशेषको रुपमा केही रजौटाहरु जिवित रहेकाले उनको अन्त आवशयक रहेको अध्यक्ष साहले बताएका छन ।

नेपाली कांग्रेस प्रती ईगित गर्दै उनले अहिले पनी केही सामन्त सोशकहरु रजौटाका रुपमा जनतालाई फुटाएर बिकास बिरोधी गतीबिधिमा लागीरहेको बताए । कम्युनिष्ट सरकारले परीकल्पना गरेको शुुखी नेपाली र समृद्ध नेपालको सपना साकार गर्न सामन्तीहरुको अन्त हुनैपर्ने भएकाले त्यस्ता शक्तीको बिरुद्ध लाग्न आम नागरीकलाई सांसद साहले अपिल समेत गरे ।

खेतमा रापेको धान घरमा नभित्रिए सम्म जसरी किशान सजग हुन्छन त्यसैगरी गणतन्त्रको आगमन पछी समृद्ध नेपाल नबने सम्म सबै नेपाली सचेत रहन उनले आग्रह गरेका छन ।देशमा दुुईतिहाईको सरकार बनाएका नेकपा संग चुनावी प्रतिस्पर्धामा नसक्ने भएको देखेर केही कांग्रेसीहरु पछाडी बाट प्रहार गर्ने योजना बनाईरहेकाले सचेत रहन सबै कार्यकर्तालाई उनले सुुझाव दिएका छन ।

फतुुआ बिजयपुरमा गुुण्डागर्दीको आतंकको बलमा जनतालाई फुटाएर धमिलो पानीमा माछा मार्ने केही कांग्रेसीले दिवा सपना हेरीरहेको साहले टिप्पनी गरे । उनले क्षेत्र नं. ३ का किशानलाइ समृद्ध बनाउन झण्डै ३० करोडको लागतमा सिचाईको बिभिन्न योजनाहरु सञ्चालनमा रहेको उनले जानकारी गराएका छन ।

कोशी र मरीन नदीको पानी बागमतीमा र बागमतीको पानी लालबकैया नदीको पश्चिमी क्षेत्रमा पुरयाएर सिचाईको पुर्वाधार खडागर्ने योजनामा सरकार लागीरहेको साहले बताए । उक्त ठुुला योजनाहरु सञ्चालनमा नआए सम्म क्षेत्रमा बिधुुत मोटर र डिप टयुुबेल बाट सिचाईको सुबिधाका लागी योजनाहरु सञ्चालनमा रहेको बताए ।

सिचाई र बिधुतको बलियो पुर्वाधार निर्माणको निमित यस आर्थिक बर्षमा स्थानिय तहमा चारकरोड र प्रदेश तथा संघ बाट थप लगानी हुने बताए । क्षेत्रको प्रत्येक वडामा माबी स्तरको बिधालय र प्रत्येक स्थानिय तहमा प्राबिधिक शिक्षा पढाई हुने बिधालयको स्थापना गरेर शिप मार्फत बेरोजगारी हटाई सुुखी नेपाली र समृद्ध नेपालको सपना साकार गर्न सरकार लागीरहेको अध्यक्ष साहले बताए ।

भुुमिगत जलस्रोत विकास डिविजन करमैयाका प्रमुख राजेन्द्र न्योपाने ले क्षेत्र ३ अन्तरगत २१ स्थानमा डिपटयुुवेल जडानको काम भईरहेको बताए । झण्डै २५लाख रुपैयाको लागतमा जडान हुने एउटा डिपटयुुवेल बाट ६० बिगहा खेतीमा सिचाई हुने प्रमुख न्योपानेले बताए ।

अगामी दुुईबर्षमा डिपटयुुवेलका २१ वटा परियोजना पुरा भएपछी क्षेत्र अन्तगतको झण्डै १३ सय बिगहा खेतीमा सिचाई सुबिधा पुुग्ने प्रमुख न्योपानेले प्रस्टयाएका छन । कार्यक्रममा प्रदेश सांसद कुन्दन कुश्वाहा,कटहरिया नगरप्रमुख सियाराम कुश्वाहा,फतुुआ बिजयपुर नपाकी उपप्रमुद कान्ती देवी महतो,नेकपा प्रदेश कमिटी सदस्य त्रिभुवन साह,वहिद अन्सारी, वडा अध्यक्ष संजय साह लगायतका नेताहरुले सरकारी लागतमा सञ्चालन रहेको बिभिन्न योजनाको काम स्तरिय गराउन सबै जनताले निगरानी गर्नुपर्ने बताएका छन ।

पुुर्वमन्त्री प्रभुु साह,प्रदेश सांसद कुन्दन कुुश्वाहा,भुुमिगत लजस्रोत विकास डिविजन प्रमुख राजेन्द्र न्योपपाने,स्थानिय तहका निर्वाचित जनप्रतिनिधि सहीतको टोलीले फतुुआ बिजयपुर स्थित सञ्चालित सिचाईका योजनाहरुको अनुुगमन गरेका थिए । कार्यक्रम वडा अध्यक्ष हिरालालको अध्यक्षतामा सम्पन्न भएको थियो ।