नमुना कार्य : विहेमा दुल्हादुल्हीलाई गिफ्टको साटो 'विरुवा' उपहार

न्यूज ब्यूरो, जनकपुरधाम । बढदै गएको ग्लोबल वार्मिंगका कारण पर्यावरणमा प्रतिकुल असरलाई कम गर्न पर्यावरण बचाउ अभियानीहरुले पर्यावरण बचाउनको लागि नमुना कार्यहरु गर्नु आवश्यक छ । र यसको एक नमुना उदाहरण बनेको छ कमला बचाउ अभियानी - विक्रम यादव ।

धनुषामा एक आफन्तको विहेमा जन्ती जाँदा उपहार (गिफ्ट) को साटो दुल्हादुल्हीलाई भेंट स्वरुप विरुवा उपहार प्रदान गरेपछि एकछिन सबैजना चकिए भए । विहेमा पुगेका दिग्गज नेताहरु समेत केही बेर कानेखुसी गरेपनि पछि अभियानी यादवको कार्यलाई प्रशंसा गर्नबाट पनि पछि परेनन् ।

धनुषा जिल्लाको कमला नगरपालिका वडा नं. ७ हथमुण्डा निवासी एवम् भूपू गाविस अध्यक्ष समेत रहेका सूर्य मरिक यादवको नाती एवम् प्रध्यापक योगेन्द्र मरिकका छोरा गौत्तम मरिकको विहेको जन्तीमा पुगेका कमला बचाउ अभियानका अध्यक्ष विक्रम यादवले स्वयंवर भईरहेको बेला मँहगो उपहारको साटो अमूल्य वृक्ष उपहार दिएपछि केन्द्रका नेताहरुले समेत उनको प्रशंसा गरेका छन् ।

विदेह नगरपालिका वडा नं. ३ गोबराही बस्ने जिबछ गोहिबारकी छोरी चाँदनी कुमारी यादव र गौत्तम मरिकको विहेमा जन्ती बनेर गएका नेपाली काँग्रेसका दिग्गज नेताहरुबीच उपस्थित भएका अभियानी यादवले दुल्हा दुल्हीलाई दुई वटा विरुवा उपहार दिएपछि केही क्षणको लागि कानेखुसी हुन थालेपछि पछि ती नेताहरुले उनलाई प्रशंसा गर्न थाले ।

कमला बचाउ अभियानका सल्लाहका एवम् वन अधिकृत सुरेश शर्माले उपलब्ध गराएको दुई वटा 'माइनगो सपृट' को बोट समाजमा पर्यावरण संरक्षण हेतु विवाहको शुभकामना दिंदै उनले स्वयंवरकै क्रममा ती वोट उपहार दिंदै पर्यावरण संरक्षणको लागि प्रतिवद्धता समेत दुल्हादुल्हीबाट गराए ।

नेपाली काँग्रेसका नेता स्मृति नारायण चौधरी, भूपू कृषिमन्त्री रामकृष्ण यादव, भूमू साँसद दिनेश प्रसैला लगायतका नेताहरुले अभियानी यादवको पर्यावरणप्रतिको मोह र अनौठो उपहारको खुलेर प्रशंसा गरे । विहेमा उपस्थिति स्थानीयहरुलाई समेत अभियानी यादवले विरुवाको महत्व र पर्यावरणको बारेमा केही सूचना प्रदान गरेका थिए ।

कमला सरोकारका अध्यक्ष विशेश्वर यादव, कमला नपा वडा नं. ७ का वडाध्यक्ष तपेश्वर यादव, वडा नं. ६ का सम्सुल मियाँ, कमला बचाउ अभियानी नविन गोहिबार, सुरेन्द्र यादव, साधु गोईत, अभिरंञ्जन यादव लगायत विभिन्न समाजसेवीहरुको उपस्थिति रहेको थियो ।