उपमेयरद्धारा नगरपालिका कार्यालय तोडफोड

न्यूज ब्यूरो । आफ्नो भागमा नगरपालिकाले योजना नपारको भन्दै रौतहटको गुजरा नगरपालिकाकी उपमेयर रौशन खातुन शेखले कार्यालयको सामाग्रीहरु तोडफोड गरेको घटना बाहिर आएको छ ।

उप प्रमुख खातुन सहितका समूहले आईतबार दिउसो ४ बजेको समयमा प्राविधिक शाखाको एक थान ल्याप्टप, एक थान कम्युटर तोडफोड तथा कार्यलयको अवश्यक कागजात च्यातेको नगरपालिकाका ईन्जिनियर प्रविण साहले जानकारी दिएका छन् ।

उनीहरुले योजना शाखाको समान समेत तोडफोड गर्ने प्रयास असफल भएको र तोडफोडमा संलग्न रहेका चारजना विरुद्ध सोमबार आफुले प्रहरीमा किटानी जाहेरी दिने नगर प्रमुख सन्तलाल चौधरी बताएका छन ।

उनका अनुसार नगरका सम्पूर्ण योजना तर्जुमा तथा योजनाहरू उप प्रमुख कै अध्यक्षतामा पास भएको र अहिले आफैले असहमति जनाउदै तोड़फोड गर्दै अराजकता फैलाएको आरोप लगाए १ नगर प्रमुख धामीले भने आफुलाई असफल बनाउनका लागि उप प्रमुखका श्रीमान शेख बद्रुदिन सहितका व्यक्ति सक्रिय भएर लागेको बताए ।

तोड़फोडमा उप प्रमुख रौशन खातुन शेख स्वयम उनका श्रीमान शेख बद्रुदिन, छोरा शेख अनिसुर रहमान र भाई एकवाल हुशैन संलग्न रहेको प्रमुख चौधरीले बताए । प्रशासकीय प्रमुख जामुन चौधरीले आफुहरू नगरको विकास चाहेको भएपनि उप प्रमुखका श्रीमानको मनलाग्दीका कारण उप प्रमुख अराजकतामा उत्रेको आरोप लगाए ।

त्यस्तै नगरपालिकाका कर्मचारीहरुले उप प्रमुखको मनोमानीका कारण आफुहरुले काम गर्न सक्ने अवस्था नरहेको बताउदै आएका छन रौतहट जिल्लाका अधिकांस स्थानीय तहमा प्रमुख र उप प्रमुख बिचको बिवादका कारण विकास निर्माणको काम प्रभाबित बन्दै आएको छ ।

गुजरा नगरपालिका प्रमुख धामी र खातुन एकै पार्टी राजपाबाट निर्वार्चित प्रतिनिधि हुन । यता उप प्रमुखले कार्यालयमा गरेको तोडफ़ोडको बिरोधमा स्थानीय युवाहरुले उप प्रमुख खातुनको कार्यकक्षमा ताला लगाएका छन् १ उप प्रमुख खातुनले भने आफ्नो योजना अनुसार काम नभएका कारण बाध्य भएर तोडफोड गर्नु परेको जानकारी दिईएकी छिन ।