राजधानीको दुई ठाउँमा बम विस्फोट हुँदा ३ को मृत्यू,आपत्तकालिन सुरक्षा बैठक बोलाइयो !

न्यूज ब्यूरो, काठमान्डौँ । राजधानी काठान्डौंमा एकै समयमा दुई ठाउँमा बम विस्फोट भएपछि सरकारले सुरक्षाको आपत्तिकालिन बैठक बोलाएका हुन् ।

मुलुकको प्रशासनिक केन्द्र सिंहदरबार नजिकै बम बिस्फोट भएपछि सुरक्षा परिषद्को आपतकालीन बैठक बसेको छ । बिस्फोट लगत्तै गृहमन्त्री रामबहादुर थापाले सुरक्षा बैठक बोलाउनु भएको हो । बैठकमा नेपाली सेना, सशस्त्र प्रहरी, नेपाल प्रहरी र गृहमन्त्रालयका उच्च अधिकारीहरु सहभागी छन् ।

सिंहदरबारकै छेउमा रहेको अनामनगरमा र बुढानिलकण्ठ नगरपालिकामा पर्ने सुकेधारामा आइतबार दिउँसो ग्यास सिलिण्डर बम बिस्फोट भएको हो । बिस्फोटमा परी ३ जनाको मृत्यु भएको छ । सुकेधारामा २ र अनामनगरमा एक जनाको मृत्यु भएको प्रहरीले पुष्टि गरेको छ । घटनामा ६ जना घाइते भएका छन् । घाइतेको वीर अस्पतालमा उपचार भइरहेको छ ।

बिस्फोट कसले गराएको हो रु भन्ने एकीन भइसकेको छैन । यद्यपि बिस्फोट नेत्रविक्रम चन्द विप्लव नेतृत्वको नेपाल कम्युनिष्ट पार्टीले गराएको हुन सक्ने अनुमान गरिएको छ ।

विप्लव समूहले आफ्ना नेता कार्यकर्ता रिहाई माग गर्दै सोमबार बन्द आव्हान गरेको छ । बन्द आव्हानको अघिल्लो दिन त्रसित पार्ने उदेश्यले बिस्फोट गराएको हुन सक्ने प्रहरीको अनुमान छ ।

जनतासमाचारबाट साभार