बलात्कार रोक्न 'नो ड्रेस कोड फर रेप'

न्यूज ब्यूरो, मोरँग । समाज परिवर्तन युवाको काँधमा भन्ने मूल नाराको साथ विराटनगरका युवाहरु साप्ताहिक रुपमा कुनै न कुनै समाजिक कार्यक्रमहरु गर्दै आएको छ ।

यसै क्रममा प्रत्येक शनिबार गर्ने उत्तः कार्यक्रम अन्तर्गत यस शनिबार भने विराटनगरमा भित्ते भित्र मार्फत जनचेतनामूलक चिन्हहरु बनाएर समाज परिवतर्नको बाटोलाई सहजता बनाउने प्रयास गरेका छन् । कैयौँ हप्तादेखि उनीहरु विराटनगरको आसपासको क्षेत्रमा पर्खालमा जनचेतनाको लागि साँकेतिक भित्तेचित्र बनाउँदै आएका छन् ।

शनिबार पनि अभियानलाई निरन्तरता दिँदै मोरँगको पोखरीया उच्च माध्यमिक विद्यालयको पर्खालमा बलात्कार विरुद्ध चित्र सहित सरसफाई सम्बन्धी साँकेतिक चित्र बनाएका हुन् । बलात्कारको लागि ड्रेस कोडले केही फरक नपार्ने भन्दै ड्रेसकै कारण बलात्कार हुँदै आएको मान्यतालाई परास्त गर्न नो ड्रेस कोड फर रेप जस्ता साँकेतिक तस्विरहरु कोरेर जनचेतनामूलक चिन्ह बनाएका हुन् ।

बलात्कार विरुद्धको अभियानको क्रममा उनीहरुले ड्रेस कोडले बलात्कार निम्त्याउने तथ्य मिथ्या भएको भन्दै ड्रेस कोडले बलात्कारको घटनामा वृद्धि भएको सोंचलाई परिवर्तन गर्नु आवश्यक रहेको बताईएको छ ।

युएफसी संस्थाका अधक्ष्य बिनोद परियारका अनुसार, सार्वजनिक संस्थाका भित्ता र पर्खालमा व्यापारिक बिज्ञापनले कुरुप बनाएको देखेर नराम्रो लागेपछि यस्ता अभियानलाई निरन्तरता दिएको हो । स्थानीय निकायको ध्यान जाओस भन्ने उदेश्यले पनि यस्ता अभियानको थालनी गरेको बताए ।

बिगत डेढ वर्ष देखि गल्लि गल्लिमा सबै तिर सरसफाई गरिरहेका युवाहरुको टिमले बिरमटनगरको सडकको स्तर उन्नतिका लागि सबै सडक भत्काइएकोले सरसफाई गर्न असहज भएपछि निरन्तर अभियानका लागि यो बाटो अंगालेको कथन अध्यक्ष परियारको थियो ।

टिमका अभियान्ता सरोज कोईरालाका अनुसार, यो संस्थामा आबद्ध भएदेखि शनिवार कहिले आउँछ जस्तो लागेको बताए । अभिन्यन्ता राम पोख्रेलका अनुसार अब चाडो भन्दा चाँडो १ नं प्रदेशभरि नै यस्ता खाले अभियान संचालन गर्ने तयारी पुरा गरेको बताए ।