सिरहामा बस दुर्घटना हुँदा २ को मृत्यू ,२५ घाईते !

न्यूज ब्यूरो, सिरहा । सिरहामा बस दुर्घटना हुँदा दुई जना ज्यान गएको छ भने २५ जना घाईते भएका छन् ।

पूर्व–पश्चिम राजमार्ग अन्तर्गत सिरहाको मिर्चैया नगरपालिका स्थित प्रयागपुर चोकमा बस र ट्रक एकआपसमा ठोक्किँदा दुई जनाको मृत्यु भएको छ भने २५ जना घार्इते भएको ईलाका प्रहरी कार्यालय मिर्चैयाका डिएसपी सुकदेव खनालले जानकारी दिए ।

खनालका अनुसार, ना ८ ख ९८२ नम्बरको प्राइम बस पूर्व झापाबाट काठमाण्डौं जादैँ गर्दा पश्चिमबाट आइरहेको ना ३ ख ४२६४ नम्बरको ट्रकसँग ठोक्किएर दुर्घटना भएको खनालले जानकारी दिए। दुर्घटनामा दुईको जनाको मृत्यु भएको छ भने २५ जना घाइते भएका छन्। घाइतेमध्ये ९ जना गम्भीर रहेका छन्।

मृत्यकको पहिचान खुल्न सकेको छैन्। एकजनाको घटनास्थलमै र अर्कोको उपचारको क्रममा मिर्चैयामा मृत्यु भएको डीएसपी खनालले बताए। सामान्य घाइतेहरुको स्थानीय अस्पतालमा र गम्भीर घाइतेलाई बाहिर रिफर गरिएको प्रहरीले जनाएको छ।