मन्त्री यादव उपर हातपातको प्रयास !

न्यूज ब्यूरो, जनकपुरधाम । उद्योगमन्त्री मातृका यादव उपर उनको कार्यकक्षमै हातपातको प्रयास भएको छ ।

सरुवाको विषयलाई लिएर विवाद हुँदा उद्योगमन्त्री यादवको कार्यकक्षमा झण्डै हात हालाहालको अवस्था सिर्जना भएको छ । उद्योग मन्त्रालयका एक उच्च अधिकारीका अनुसार उद्योग विभागमा भएको सरुवाको विषयमा कर्मचारीहरुले मन्त्री यादवमाथि समेत हातपात प्रयास गरेका छन् ।

स्रोतको जानकारी अनुसार मन्त्री यादव उपर हातपातको प्रयास गर्ने कर्मचारीहरुले सुरुमा मन्त्री यादवकै निजी सचिव प्रेम आचार्यसँग विवाद गरेका थिए । नेपाली कांग्रेस निकट कर्मचारी संघका नेताहरुले अश्लिल गालि गर्दै हातपातमा उत्रिएको स्रोतले जनाएको छ भने कांग्रेस निकट कर्मचारी युनियनका उपाध्यक्ष सुरेन्द्र भण्डारीको नेतृत्वमा हुलहुज्जत भएको मन्त्रालयले जनाएको छ ।

उनीहरुले कांग्रेस निकट कर्मचारी युनियनका नेता शोभाकर रेग्मीलाई उद्योग विभागमा सरुवा नगरि नेकपा निकट विनोद खड्कालाई पठाइएको भन्दै मन्त्रीमाथि समेत दुरव्यवहार गरिएको जनाइएको छ । होहल्ला रोक्न बाहिर निस्किएका मन्त्रीमाथि हातपात प्रयास भएपछि प्रहरी बोलाए लगत्तै कर्मचारी नेताहरु भागेको बताइएको छ ।

समाचार सौजन्य : अनलाईनखवर काठमान्डौं