वालिका उपर सामुहिक बलात्कार प्रयासको आरोप , प्रहरी भन्छ- कुटपिट मात्र

न्यूज ब्यूरो, सुनसरी । दिनदहाडै सुनसरीमा एक बालिका उपर सामुहिक बलात्कारको प्रयास गरिएको आरोप परिवारजनले लगाएको छ ।

सुनसरीको दुहबीमा एक १५ वर्षिय वालिका उपर सामुहिक बलात्कारको प्रयास भएको आरोप परिवारजनले लगाएको हो । पिडित बालिकाकी आमा सुमित्रा देवी ऋषिदेवले छोरीमाथि सामुहिक बलात्कारको प्रयास भएको भन्दे ईलाका प्रहरी कार्यालय दुहबीमा जाहेरी दिएकी छिन । दुहबी १ प्राष्टोकि बस्ने जीवन चौधरी लगायत १० जनाको समुहले सामुहिक बलात्कार को प्रयास गरेको जाहेरीमा उल्लेख छ।

गत सोमबार ४ बजे बेलुकी दुहबी नगरपालिका वडा नम्बर २ पचिराको खेतबारीमा ढकिया साग टिप्न जाँदा जीवन चौधरी लगायत १० जनाको समुहले मुख च्यापी सुनसान बाँसको झारीमा घिसार्दै लगेर बलात्कारको प्रयास गरेको जाहेरीमा उल्लेख छ।

जीवन सहित अन्य जनाले आफूलाई समात्तेर बाँसघारीमा लगी बलात्कारको प्रयास गरेको आरोप पीडित बालिकाले पनि लगाएकी छिन् । उनले जीवनले जबरदस्ती गर्दा आफू चिच्याएपछि गाउँलेहरु आउँदा उनीहरु भागेको बताएकी छन् ।

यता, ईलाका प्रहरी कार्यालय दुबहीका प्रहरी नीरिक्षक रामनारायण माझीले बालिका उपर समान्य कुटपिट बाहेक बलात्कारको प्रयास आरोप मिथ्या रहेको प्रतिक्रिया दिएका छन् । "गत सोमबार गर्मीको मौसम भएकोले गाउँलेहरु सामुहिक रुपमै एक आँपको बगैँचा विश्राम गरिरहेका थिए । उनीहरुबीच समान्य झगडा हुँदा जीवन चौधरी लगायतले कुटपिट मात्र गरेको छ । त्यो गाउँलेहरु पनि देखेकै हुन । अब बलात्कार प्रयासको जाहेरी दिँदैमा बिना अनुसन्धानकै जाहेरी दर्ता गर्न मिल्दैन ।"- उनले भने ।

कुटपिटको घटनामा संलग्न रहेको भन्दै ६ जनालाई प्रहरीले पक्राउ गरेको जनाएको छ । हाल पिडितक‍ो बालिकाको उपचार जीवन ज्योति अस्पतालमा दुहबीमा भईरहेको छ भने प्रहरीले यसबारे थप अनुसन्धान जारी राखेको बताईएको छ ।