'गैरकानुनी स्कूल बन्द गराउँदा मुद्दा हालियो, तर विचलित हुन्न': कान्छो मेयर

न्यूज ब्यूरो, जनकपुरधाम । धनुषाको शहिदनगर नगरपालिकाका नगर प्रमुख (c) उदय कुमार बरबरिया यादवले जनहितको लागि कुनै पनि हालातमा विचलित नहुने बताएका छन् ।

जनकपुरमा आयोजना गरिएको एक कार्यक्रमको दौरान मेयर बरबरियाले नगरभित्रको गैरकानुनी रुपमा सँचालित अवैद्य सँस्थागत विद्यालयहरु बन्द गराउँदा नगर कार्यपालिका विरुद्ध मुद्दा परेको बताउँदै आफू यसबाट विचलित नहुने तथा जनहितको लागि जुनसुकै कदम उठाई रहने बताएका छन् ।

शहिदनगर नगरपालिकाको आयोजनामा शनिबारदेखि आईतबार (आज) सम्मको दुई दिने कानुन निर्माण विमर्स गोष्ठी कार्यक्रममा मेयर बरबरियाले सो कुरा बताएका हुन् । उनले स्थानीय तहको सरकार बनिसकेको अवस्थामा कुनै कुनै बेला ठोस कानुनकै अभावमा स्थानीय तहले पनि हात तल पार्नुपर्ने अवस्था सृजना भएको बताउँदै गैरकानुनी सबै यस्ता कार्यलाई तह लगाउन सकिने बमोजिमको कानुनलाई राजपत्रमा दाखिला गर्नुपर्ने माग राखे ।

कमन इन्टरनेश्नल प्रा.लि.को सहकार्यमा आईतबार सम्पन्न कानुन विमर्स गोष्ठी कार्यक्रममा मेयर बरबरियाले केन्द्र सरकारको पनि हामी स्थानीय सरकार कार्यकारी सरकारको पमा रहेकोले स्थानीय तहको समस्या पनि हल गर्ने जिम्मेवारी नगरपालिकाको रहेको औल्याए ।

उनले भने,- "कुनै कुनै बेला कानुनको अभाव महसुस भईरहेको हुन्छ । स्थानीय तहमै यस्ता कानुनहरु बनाउनुपर्छ जसले गर्दा गैर शब्द जोडिएको हरेक कामलाई रोक्न सकुन । म कानुनविदहरुसँग आग्रह गर्न चाहन्छु की नेपाल सरकारको राजपत्रमा उल्लेखित कानुन र स्थानीय तह सँचालन ऐन बमोजिक कार्य गर्नुपर्ने वातावरण पनि सहजता मिलाउन नयाँ कानुनको आवश्यकता छ ।"

स्थानीय तहमा अझै पनि कानुको अभाव खेपिरहेको भन्दै कानुन अभावकै कारण यदि प्रवाह गरिएको कानुन बमोजिम नै कामकारवाही गरेको भए एक वर्षमा थोरै पनि काम भएको हुने थिएन । उनले भने, - "अहिले हामी कानुन विहिन छौँ, हाम्रा नगरपालिकाका सबै कार्यालयका कार्यालय प्रमुखहरुले शहिदनगरको कानुनमा कहाँ चित्त बुझिएको छैन त्यहाँ डिबेट गर्न आग्रह गर्छु ।"

नगरपालिकाको दिगो विकासको लागि आफूहरु तत्पर रहेको भन्दै मेयर बरबरियाले मात्र सडक ढलान, भवन निर्माण र नाला निर्माण मात्र विकाशको सूचक नभएकोले नगरको सर्वागिंन विकासको लागि शिक्षा, स्वास्थ्य, कृषि सहित अन्य विकासको पूर्वाधारहरुलाई मजबुत बनाउको लागि लागिरहेको बताए । नगर विकासको लागि सडक विस्तार कार्यको बेला कैयौँ घर भत्किने भएकोले त्यस्तो अवस्थामा एक आम नागरिकले हाल्ने मुद्दालाई कसरी हेर्ने भनेर पनि कानुनको आवश्यकता औल्याएं ।

मेयर बरबरियाकै अध्यक्षता एवम् प्रदेश नं. १ का साँसद लीला बल्लभ अधिकारीको प्रमुख आतिथ्यमा भएको सो गोष्ठिमा सहभागीहरुले स्थानीय तहको कानुन ठोस रुपले निर्माणको लागि मेयरको कथन उपर सहमति जनाएका थिए ।

जनकपुरको मानव बिकाश केन्द्रको सभाहलमा सम्पन्न उक्त गोष्ठिमा कानुनबिदहरु लगायत नगरपालिकाका प्रमुख प्रशासकीय अधिकृत नन्दकिशोर झा, कम्पूटर अपरेटर विष्णु यादव, ईन्जिीनीयर सँजय यादव , नगरकी उपमेयर शिला देबि कापर, वडा अध्यक्षहरु, नगरभित्रका विभिन्न निकायका प्रमुखहरु, सँचारकर्मी, अधिकारकर्मी, बुद्धिजीवीहरुको उपस्थिति रहेको थियो ।