धनुषा : हेडमास्टरको लागि तिनकौरिया विद्यालय तनावग्रस्त !

न्यूज ब्यूरो, जनकपुरधाम । धनुषामा हेडमास्टरको विवाद चर्किएपछि एक विद्यालयको अवस्था तनावग्रस्त बनेको थियो ।

धनुषाको विदेह नगरपालिकाको तिनकौरिया स्थित रहेको तिनकौरिया बहुमुखी क्याम्पसमा हेडमास्टरको लागि विवाद चर्किएपछि अभिभावकहरुले विद्यालय परिसरभित्रै चर्को नारावाजी गर्न थालेपछि विद्यालयको अवस्था तनावग्रस्त बनेको थियो ।

विद्यालय व्यवस्थापन समिति गठनको लागि बैलाइएको बैठकमा विद्यालयका प्रधानाध्यापक (हेडमास्टर) पवन कुमार मण्डललाई काज सरुवा गरेको भन्दै आक्रोसित अभिभावकहरुले नगरपालिकाका मेयर बेचन दास विरुद्ध चर्को नारावाजी गर्न थालेपछि विद्यालयको अवस्था तनावग्रस्त बनेको थियो ।

"गत चैत्त २८ गते नै एक पटक अभिभावक भेला बोलाइएको थियो । त्यसबेला मेयर साहबले बैशाख १३ गतेको लागि सार्न भन्नुभयो , त्यसै अनुरुप हामीले उहाँको कुरा मानेर बैशाख १३ गते अर्थात आजको लागि सारियो । आज पनि अभिभावक भेला बोलाएका थियौं । म काम विशेषले काठमान्डौँ थिए र मलाई अन्यत्रै ठाउँमा काज सरुवा गरिएको थाहा पाए । त्यतिकैमा अभिभावकहरुले मेयर र वडाध्यक्ष विनोद गोहितमान विरुद्ध नारावाजी गर्दै विरोध जनाएपछि विद्यालयको अवस्था तनावग्रस्त बनेको थियो ।"- प्रअ मण्डलले भने ।

मेयर दास र वडाध्यक्ष विनोद गोहितमान सहित उनका केही समर्थक टोलीले दादागिरी शैलीमा विद्यालयमा प्रवेश गरी अभिभावक भेला पुनः सार्न भनेपछि तनाव उत्पन्न भएको जनाइएको छ । विद्यालयको प्रधानाध्यापकमा विद्यालयकै शिक्षक कुलदीप यादवलाई निमित्त प्रधानाध्यापक बनाउन लागेको सुनेपछि अभिभावकहरुले हल्ला गरेको थियो ।

न्यूज ब्यूरोसँग कुराकानी गर्दै प्रअ मण्डलले भने, -"कुलदीप सर भर्खरै स्थायी नियुक्त हुनुभएको छ । विद्यालयको नमुना प्रधानाध्यापक बन्नको लागि चाहिने कार्यक्षेत्र नपुगेको भएपनि उनलाई बनाउन खोजिएपछि तनावमय भयो विद्यालय । उनको स्थायी भएको मात्र ५ दिन भएको छ, तर प्रअ बन्नको लागि कम्तीमा ५ वर्ष स्थायी शिक्षकको अनुभव आवश्यक रहेको छ । जसले गर्दा उनको विरोध गर्दै मलाई पुनः अभिभावकहरुले चयन गरी राख्नुभयो ।"

नमुना हेडमास्टर बन्नको लागि ५ वर्ष स्थायी नियुक्ती हुनुपर्ने प्रावधान रहेको र आफू १५ वर्षदेखि स्थायी रहेर नमुना हेडमास्टरको प्रमाणपत्र समेत पाएको दाबी गरे । उनले भने, सम्मानीय सर्वोच्च अदालतको फैसला अनुसार कुनै पनि स्थानीय तहले विद्यालयका कुनै पनि शिक्षकलाई सरुवा, बढुवा वा नियुक्ती गर्न नपाउने आदेश जारी गरेपनि मलाई हटाउनकै लागि यीनीहरुले षडयन्त्र रचेको देखियो ।

नगरपालिकामा नमुना विद्यालयको लागि १ करोड ५० लाख, प्राविधिक धारको लागि १ करोड र समान्यमा १ करोड गरी जम्मा ३ करोड ५० लाख अझै अडीएको आरोप लगाउँदै त्यो रकम निकासाको लागि बारम्बार नगरपालिकालाई पत्र काटेपनि कुनै वास्ता नगरेको आरोप लगाए । उनले भने, - "मेयर साहब आफूबाट खुल्लेआम १५ प्रतिशत कमिशन माग गर्नुभयो । १५ लाख रुपैयाँ कमिशन दिन भनेपछि आफूले नखाने र नखान दिने अडान लिएकै कारण आफूलाई विद्यालयबाट भगाउन षडयन्त्र गरेको छ ।"

विद्यालयको पोखरी विना जानकारी बेचिएको र आफू विरोध गरेको कारण आफूलाई भगाउन लागेको आरोप लगाउँदै प्रधानाध्यापक मण्डलले मेयरका आफ्नै भाई लखनदेव दासले समेत रकम निकासाको लागि बार्गेनिँग गर्ने गरेको आरोप लगाए ।

यता, नगरपालिकाका मेयर बेचन दासले भने, प्रधानाध्यापक मण्डलले लगाएको आरोप निराधार रहेको दाबी गरेका छन् ।