युवा फोरम धनुषामा कापडी निर्वाचित

न्यूज ब्युरो, जनकपुरधाम । संघीय समाजवादी फोरम, नेपालका युवा संगठन समाजबादी युवा फोरम नेपालको धनुषा जिल्ला अधिवेशन सम्पन्न भएको छ ।

अधिवेशनले समाजवादी युवा फोरम, नेपालको धनुषा अध्यक्षमा दिपेन्द्र कापडी विजयी भएका छन् । अधिवेशनको बुधबार सम्पन्न अधिवेशन बिहीबार नयाँ कार्य समिति गठन गर्दै सम्पन्न भएको हो ।

विहिबार भएको अधिबेशनबाट कापडी भारी मतले विजयी भएको जनाइएको छ । संघीय समाजवादी फोरम नेपालको केन्द्रीय अधिबेशन हुने भनिएपछि विभिन्न जिल्लामा युद्धस्तरमा भातृ संगठन सहित संगठनको आफ्नै पनि अधिबेशन जुटेका छन् ।

अधिबेशनको लागि विभिन्न स्थानीय तह, जिल्ला, क्षेत्रिय अधिबेशन धमाधम भईरहेको छ ।