धनुषा : मोसा दुर्घटनामा परी एक युवक ठहरै !

न्यूज ब्यूरो, जनकपुरधाम । मोटरसाईकल (मोसा) दुर्घटनामा परी एक युवकको घटनास्लमै मृत्यू भएको छ ।

धनुषाको गणेशमान चारनाथ नगरपालिका तथा पर्व पश्चिम राजमार्ग अन्तर्गत धनुषाको विरेन्द्रबजारमा मोटरसाईकललाई बसले ठक्कर दिँदा धनुषाको सबैला नगरपालिका वडा नं. ४ बस्ने अन्दाजी बर्ष १९ का रँजीत मुखियाको घटनास्थलमै मृत्यू भएको प्रहरीले जनाएको छ ।

तीन जना सवार ज ४ प ३२०६ नम्बरको मोटरसाईकललाई ना ५ ख ३८३६ नम्बरको बसले ठक्कर दिँदा मुखियाको तत्कालै मृत्यू भएको थियो भने उनीसँगै बसेका सबैला नपा वडा नं. १३ का अन्दाजी बर्ष १८ का अजय यादव र सबैला नपा ४ कै कृष्ण कुमार कापर भने घाईते भएका छन् ।

मृतकको शवलाई पोष्टमार्टमको लागि जनकपुर अञ्चल अस्पताल लगिएको छ भने घाईतेहरुलाई समेत अस्पतालमा उपचार भईरहेको छ । यता, बस चालक र बस प्रहरीको निन्त्रणमा राखी अनुसन्धान थालिएको छ ।