जनकपुरको जानकी मन्दिर एरिया बन्द !

न्यूज ब्यूरो, जनकपुरधाम । जनकपुरको जानकी मन्दिर क्षेत्रमा युवाहरुले दिउँसो बाटो जाम गरेका छन् ।

हावाको कारण तथा यस मौसममा निर्माणधिन रहेको जनकचोकदेखि विवाहमण्डप सम्मको बाटोमा अत्यधिक धुलोधुंवा उडेर स्थानीय व्यापारीहरु दिक्क भएको भन्दै युवा, व्यापारीहरुले बाटो जाम गरेका छन् । बाटोमा बाँस, कुर्शी तथा अन्य समानहरु राखेर बाटो छेकेका छन् । जसले गर्दा सवारी आवागमन पूर्ण रुपमा ठप्प भएको छ ।

नयाँ निर्माणधिन बाटोमा जथाभावी माटो खनेका कारण यस सुख्खा मौसममा धुलो बनेर स्थानीय पसलहरु जम्मा हुने गरेकोले व्यापारी सहित यात्रु, ग्राहकलाई समेत कठिनाई भएको भन्दै बाटो जाम गरिएको बताइएको छ । जानकी मन्दिरको पूर्वीबाट भएको बाटोमा स्थानीय व्यापारीहरुले बाटो जाम गरेका छन् ।

व्यापारीहरुले सडक बनाउनु राम्रो कार्य हो, तर समय समयमा नगरपालीका वा एडिबी परियोजनाले समेत पानी नछर्कीदा स्थानीय व्यापारीहरु सहित यात्रुहरुलाई समेत स्वास लिन कठिनाई भएको बताइन्छ । धुलो र माटोको कारण जनकपुरको जानकी मन्दिर क्षेत्रको वातावरण असमान्य बनेको छ ।