सिरहामा ट्रकले मोटरसाईकललाई ठक्कर दिँदा ३ ठहरै !

न्यूज ब्यूरो, सिरहा । सिरहामा ट्रकको ठक्करबाट तीनजनाको घटनास्थलमै ज्यान गएको छ । पूर्वपश्चिम राजमार्ग अन्तर्गत सिरहाको लहान नगरपालिका–१३ भोटियाटोल चोक नजिकै बिस्कुट बोकेको ट्रकले तीनजना सवार मोटरसाइकललाई ठक्कर दिँदा तीनै जनाको घटनास्थलमै मृत्यू भएको हो ।

मँगलबार पूर्वबाट पश्चिम तर्फ जादै गरेको ना ३ ख ७७७४ नम्बरको ट्रकले विपरीत दिशाबाट आउँदै गरेको स ९ प ७३७८ नम्बरको मोटरसाईकललाई ठक्कर दिएको जनाइएको छ ।

दुर्घटनामा मृत्यू हुनेहरुमा लहान ४ का २६ वर्षीय कृष्णा सहनी, २६ वर्षकै शिव कुमार सहनी र २५ वर्षीय मनोज मण्डल रहेको प्रहरीले जानकारी दिएको छ ।

मोटरसाईकल र ठक्कर दिने ट्रक प्रहरीको नियन्त्रणमा रहेको छ ।