धनुषाको हँसपुर नगरपालिकामा भव्य चैती दुर्गा पूजाको आयोजना

न्यूज ब्यूरो, जनकपुरधाम । धनुषाको हँसपुर नगरपालिका ९ स्थित बालगंगा चोकमा चैती दुर्गा पूजाको आयोजना गरिएको छ । पूजाको लागि सनिवार कलश स्थापना गरिएको छ ।

नगरको विभिन्न वडाकी श्रद्धालु महिलाहरुले विभिन्न भागको परिक्रमा गरी मन्दिरमा कलश स्थापना गरेकी हुन् । मेला आउँदो यही चैत २९ गतेदेखि सुरु हुनेछ भने बैशाख १ गते विसर्जन हुनेछ ।

दशकौंदेखि धुमधामका साथ आजोजन गरिँदै आएको मेला यसपाली अन्य वर्षको तुलनामा भव्य रुपले आयोजन गरिएको मेलाका अध्यक्ष चन्दे मण्डलले जानकारी दिए ।

भव्य रुपले आयोजन गरिएको ३ दिने चैती दुर्गा मेलाको सोभा बढाउनका लागि ३ दिने संस्कृति कार्यक्रमको समेत आजोजना गरिएको वडा नं ९ का अध्यक्ष नरेश मण्डलले बताए ।

दानवीय शक्तिमाथि दैवी शक्तिको विजय उत्सवका रुपमा यस पर्वलाई मनाइने गरिन्छ ।