बारा पर्सा घटनाका घाईतेहरुको लागि धनुषाको विभिन्न ठाउँबाट रक्त संकलन

न्यूज ब्यूरो, जनकपुरधाम । आईतबार साँझै आएको भिषण हावाहुरीका कारण घाईते भएका सर्वसाधारणहरुले लागि धनुषामा रक्त संकलन कार्यक्रम जारी राखिएको छ ।

बारा, पर्सा, रौतहट जिल्लामा हावाहुरीको कारण भएको ठुलो जनधन क्षतिसँगै राहतको लागि रक्त सँकलन कार्यक्रम गरिरहेको छ । उक्त दैवीक प्रकोपमा परी ५०० बढी सर्वसाधारणहरु घाईते भएको तथा अस्पतालमा विभिन्न समूहका रक्तको अभाव भएको भन्दै धनुषाको विभन्नि ठाउँबाट रगत सँकलन कार्यक्रम भईरहेको छ ।

त्यसको लागि जनकपुरबाट बजरंजचौक स्थित जानकी हेल्थ केयर र हाईवेमा धनुषाको ढल्केवरको बीच चोकमै रक्त संकलन गर्ने भएको छ । नेपाल रेडक्रस सोसाईटी धनुषा शाखाले उक्त रक्त सँकलन गरी बारा, पर्साको अस्पतालमा घाईतेहरुको उपचारको लागि पठाइने जनाएको छ ।

रेडक्रम धनुषाका प्रतिनीधि आसाराम यादवले दिएको जानकारी अनुसार, आईतबार आएको भिषण हावाहुरीका कारण घाईते भएका सयौँ जनाको उपचारमा रक्त अभाव भएको भन्दै त्यसलाई राहत स्वरुप धनुषाबाट रक्तदान कार्यक्रमको आयोजना गरी विभिन्न ठाउँबाट रक्त सँकलन गरी बारा, पर्साको अस्पतालमा पुरयाउने लक्ष्य रहेको छ ।

यादवले मानवताको हैसियतले पनि बारा, पर्सामा भएको अपूर्णीय मानवीय क्षतिलाई मध्यनजर गर्दै धनुषावासीले उनीहरुले लागि हमदर्द बन्ने आसा व्यक्त गरे । यस्तो परिस्थितिमा एकै प्रदेशका नागरिकको यस्तो अवस्थामा मानवता देखाउनुपर्ने बताउँदै जनकपुरको जानकी हेल्थ केयर र ढल्केवरमा आयोजना गरिएको रक्तदान कार्यक्रममा रक्तदान गरी घाईतेहरुको जीवनरक्षा गर्न आव्हान गरेका छन् ।

उनले यस घटनामा घार्ईते भएकाहरुलाई राहत दिन चाहने तथा रगत सहयोग गर्न चाहनेहरुले सम्पर्क नं. 9844110661 मा फोन गरी सहायता गर्न सकिने जनाए ।