जुनसुकै तवरले भएपनि प्रश्नपत्र आउट भन्दैमा छुट हुने छैन : मेयर मण्डल

न्यूज ब्यूरो, धनुषा । आगामी चैत्त १९ गतेदेखि हुने कक्षा ८ को बोर्ड परीक्षाको लागि धनुषाधाम नगरपालिका भित्रमा पनि परीक्षाकेन्द्र तय गरिएको छ ।

आईतबार नगर प्रमुख बालेश्वर मण्डलको अध्यक्षतामा बसेको बैठकबाट जिल्लाभरिमा सँचालन हुने नगरस्तरीय कक्षा ८ को परीक्षाको लागि नगरभरिमा जम्मा ४ ओटा परीक्षाकेन्द्र निर्धारण गर्दै त्यस चार केन्द्रको लागि चार केन्द्राध्यक्ष एवम् सहायक केन्द्राध्यक्ष पनि चयन गरिएको जनाएका छन् ।

सो बैठकबाट परीक्षापछि कापी चेक जाँच सम्बन्धमा सम्बन्धित शिक्षक हरुसँग नगराई अन्य शिक्षकबाट गराउने निर्णय सँगै जुनुसुकै तवरबाट प्रश्नपत्र बाहिर गए पहिचान भएको खण्डमा त्यस्ता कर्मचारी वा व्यक्तिलाई छुट नहुने मेयर मण्डलले बताए । उनले शिक्षालाई व्यापारिक दृष्टिकोणले नभई व्यवहारिक र समाजिक रुपले दृष्टिगत गर्नुपर्ने बताए ।

बैैठकबाट माबि प्रीतपुर पर्बता परिक्षा केन्द्रमा माबि हरिपुर ,निमाबि नौसय बिघा र माबि धनुषाधामका परीक्षार्थीहरु सहभागी गराईने छ भने म्यारी गोल्ड आवसिय बिधालय किसानपुर परिक्षा केन्द्रमा माबि प्रीतपुर पर्वता , सुपर सेन्स धारापानी, धनुष आवसिय बिधालय धनुषाधाम तथा धनुष आवसिय माबि धनुषाधाम परिक्षा केन्द्रमा भने अधारभुत बिधालय सर्सा ,अधारभुत बिधालय मखनाहा मुङ्राहा,बिधालय र म्यारी गोल्ड किसानपुरलाई सहभागी गराउने निर्णय गरिएको हो ।

शिक्षा समितिको बैठकबाट नगरपालिकभित्रै रहेको सुपर सेन्स धारापानी परिक्षा केन्द्रमा माबि धारापानी , माबि किसानपुर , भिजन इङ्गलिश बोर्डिङ स्कुल , पिनाक इङ्ग्लिश बोर्डिङ स्कुल रहेका छ्न ।

कार्यरिणी अधिकृत निरज श्रीबास्तव, स्रोत व्यक्ति उद्यब बहादुर अचार्य लगायत नगरपालिका भरिका निमाबि, माबिका प्रधानध्यापकहरुको उपस्थितिमा निर्णय गरिएको हो।