आफनै प्रशासनिक अधिकारी राख्ने मधेश सरकारको तैयारी

न्यूज ब्यूरो, जनकपुरधाम । संघीय सरकारले प्रमुख जिल्ला अधिकारीलाई आफनै मातहत राखी सर्वशक्तिमान बनाउने तैयारी गरि रहेको बेला प्रदेश नं. २ को सरकारले आफनै प्रदेश प्रशासनिक अधिकारी राख्ने तैयारी शुरु गरेको छ ।

मन्त्री परिषदको आज (शुक्रबार) सम्पन्न बैठकले प्रदेश प्रशासन सम्बन्धि विधेयक पारित गरेको हो । उक्त विधेयक प्रदेश सभाबाट पारित भएपछि प्रदेश सरकारले जिल्लाहरुको शान्ति सुरक्षा कायम गर्नुका साथै प्रदेश प्रहरीलाई परिचालन समेत गर्ने गरि आठ वटै जिल्लामा आफनै प्रशानिक अधिकारी राख्ने बाटो खुला हुने छ ।

मन्त्री परिषदको आजको बैठकले प्रदेश प्रशासन सम्बन्धि ऐनका साथै प्रदेश वन सम्बन्धि ऐन, प्रदेश उद्योग सम्बन्धि ऐन, प्रदेश पर्यटन सम्बन्धि ऐन समेतलाई पारित गरेको हो ।