मधेशको महाकुम्भ परिक्रमा व्यवस्थापनको लागि 'होली प्यालेस' बन्दै

न्यूज ब्यूरो, जनकपुरधाम । मधेशको महाकुम्भ मानिने १५ दिने धार्मिक परिक्रमालाई व्यवस्थापन गर्नको लागि सरोकारबालाहरुको वृहत छलफल भएको छ ।

धनुषाको मिथिला बिहारी नगरपालिका वडा नं. ८ कचुरीमा १५ दिने परिक्रममा सहभागी धार्मिक यात्रुहरुलाई व्यवस्थापन गर्नको लागि नेपाल र भारतका सरोकारबालाहरुले सँयुक्त बैठक बसेको थियो । सो बैठकमा परिक्रमा सम्बन्धी नेपाल र भारतको १६ औ विश्राम स्थलहरुको प्रतिनिधिको उपस्थितिमा विश्राम स्थलहरुको स्तरोन्ती बारे समेत छलफल गरिएको हो ।

नेपाल र भारतको विभिन्न ठाउँमा पर्ने विश्रामस्थलहरुमा भारतको बनारसबाट ल्याइएको आयूवेदिक विरुवा प्रत्येक विश्रामस्थलमा एक जिम्मेवार व्यक्तिद्धारा रोपण समेत गरिएको थियो ।

मिथिला बिहारी नगर प्रमुख अनिल कुमार यादवको अध्यक्षता एवम् धनुषा जिल्ला समन्वय समितीका संयोजक राम देब बनरैतको प्रमुख आतिथ्यमा बसेको सो सरोकारबाहरुको सँयुक्त बैठकबाट मिथिला विहारी डोला व्यवस्थापन, धार्मिक लस्करका यात्रु स्वागत , धार्मिक पर्यटक स्थलको रुपमा बिकास गर्ने सम्बन्धमा , मिथिला विहारीको डोला विश्राम स्थल स्तर उन्नती तथा वृहत्तर मिथिला विहारी परिक्रमा विकास परिषद गठन सम्बन्धमा छ्लफल गरेका छ्न् ।

परापूर्वकालदेखि नै प्रत्येक वर्ष महाशिवरात्रीपछि विधिवत रुपमा सुरु हुने १५ दिने मधेशको परिक्रममामा लाखौँ श्रद्धालुहरुको धार्मिक लस्कर नेपाल र भारतको विभिन्न धार्मिक स्थललाई परिक्रमा गर्न सहभागी हुन्छन् । सो कार्यक्रममा प्रमुख अतिथिको आसनबाट बोल्दै जिल्ला समन्वय समितीका सँयोजक बनरैतले बैठकमा चलाएको प्रस्ताव कार्यन्वयनको शुभकामना दिँदै सँस्थागत सहित व्यक्तिगत रुपमा समेत यस कार्यमा मदत गर्ने प्रतिवद्धता जाहेर गरे ।

परिक्रममाको मिथिला बिहारीको डोला मिथिला बिहारीको मन्दिर ठेरा कचुरीबाट उठने गरेको अर्थात त्यही मिथिला बिहारीको मन्दिरबाट १५ दिन माध्यमिकी परिक्रममाको सुरुवात हुने भएको भन्दै परिक्रमाको लागि नयाँ प्याकेज जनता समक्ष ल्याउने बताए । छिमेकी मुलुक भारतबाट आएका सरोकारबालाहरुलाई धन्यवाद ज्ञापन गरे ।

सो कार्यक्रममा महोत्तरी भँगहा नगरपालिकाका मेयर सँजीव कुमार साहले महोत्तरीको भँगहा नगरपालिका भित्रै पर्ने कञ्चनवनदेखि मधेशको होली सुरुवात भएको हुनाले परिक्रमालाई मध्यनजर गर्दै त्यही बीचमा होली प्यालेस निर्माणको लागि ४० लाख रुपैयाँ बजेट विनियोजन गरेको बताए ।

सो कार्यक्रममा बिशेष अतिथीको रुपमा मोहत्तरीका प्रमुख जिल्ला अधिकारी उमेश कुमार ढकाल, प्रहरी प्रमुख ईश्वरी कार्की सहित धनुषाका सरोकारबालहरुको समेत उपस्थिति रहेको थियो ।