विहानै दुःखद खवर : धनुषाको ढल्केबरमा बस ट्रक जुध्दा २ को मृत्यु, ११ जना घाईते !

न्यूज ब्यूरो, जनकपुरधाम । धनुषामा गएराती यात्रुबाहक बस र ट्रक एकआपसमा जुध्दा २ जनाको मृत्यू भएको छ भने अन्य ११ जना घाईते भएका छन् ।

पुर्व पश्चिम महेन्द्र राजमार्गअन्तर्गत धनुषाको मिथिला नगरपालिकाको ढल्केवरमा बस र ट्रक एक आपसमा ठोकिदा २ जनाको ज्यान गएको छ भने सो सबारी दुर्घटनामा परी ११ जना घाईते भएका छन ।

पुर्वको काँकडभित्ता बाट पश्चिमतर्फ आउँदै गरेको ना ५ ख ४९६ नम्बरको मकालु बस र पश्चिमबाट पूर्वतर्फ जाँदै गरेको ना ६ ख ९४९६ नम्बरको ट्रक ढल्केवरको ट्राफिक प्रहरी कार्यालय अगाडि एक आपसमा गएराती करिब २ः०० बजे ठोक्किन जाँदा दुर्घटना भएको जिल्ला प्रहरी कार्यालय धनुषाले जनाएको छ ।

दुर्घटनामा परि बसमा सवार भारत विहारको मोतिहारी जिल्लाका २५ बर्षिय उदेश ठाकुर र धनुषाको क्षिरेश्वरनाथ नगरपालिका वाडा नम्बर ५ बस्ने अन्दाजी ४५ बर्षिय शिवकला देवि मड्लको मृत्यु भएको र्इलाका प्रहरी कार्यालय ढल्केवरले जनाएको छ ।

दुर्घटनापछि गम्भिर घाईते भएका उनीहरुलाई उपचारको लागि बाहिर लैजादै गर्दा सिरहाको लहानमा मृत्यु भएको प्रहरीले जनाएको छ । यता, मृतकहरुको शव लहान अस्पतालमा राखिएको प्रहरीले जनाएको छ । दुर्घटनामा परि ११ जना घाइते भएको छ । घाईतेहरुलाई लहान, विराटनगर र धरान पठाइएको हो । घाईतेहरुमध्ये केहीको अवस्था अहिले पनि नाजुक रहेको प्रहरीले जनाएको छ ।

यस घटनाबारे अनुसन्धान थालिएको जिल्ला प्रहरी कार्यालय धनुषाले जनाएको छ ।