धनुषामा आपूर्तिमन्त्री मातृका यादवको सँसदीयकोषबाट यी भवनहरु निर्माण हुँदै

न्यूज ब्यूरो, जनकपुरधाम । नेपाल सरकारका आपूर्ति मन्त्री मातृका प्रसाद यादवले धनुषाको विभिन्न ठाउँमा भौतिक निर्माणका कार्यहरुको लागि शिलान्यास गरेका छन् ।

धनुषाको गणेशमान चारनाथ नगरपालिकामा नेपाल सरकारका उद्योग तथा बाणिज्य आपूर्ति मन्त्री यादवले सँसदीय कोषबाट विभिन्न ठाउँमा भौतिक निर्माणका कार्यहरु हुने भएको छ । जस अन्तर्गत नगरपालिकाको वडा नं. १,२,३,४,५ र ९ मा विकास निर्माणका कार्यहरुको लागि मँगलबार शिलान्यास गरेका छन् । सँसदीय विकास कोषबाट मा. वि. भरतपुरमा भवन निर्माण , बरमझियामा सामुदायिक भवन निर्माण, ,बिरेन्द्र बजारमा खानेपानी टैंकी निर्माणको लािग शिलान्यास गरेका हुन् ।

नेकपाका नेता भगवान दत्त साहको अध्यक्षता एवम् नेकपाकै नेता जोग कुमार बरबरियाको प्रमुख आतिथ्यमा मँगलबार बसेको बैठकबाट धनुषाको सबैला नगरपालिका, धनुषाधाम नगरपालिका र गणेशमान चारनाथ नगरपालिकामा सँसदीय कोषबाट विकास निर्मााण्को कार्यहरु हुने जानकारी दिए ।

सबैला नगरपालिका र धनुषाधाम नगरपालिकामा समेत सँसदीय कोषबाट गरिने विकास निर्माणको कार्यहरुको लागि पूर्वाधार हेतु तथ्याँक सहित प्रतिवेदन तयार गर्ने जनाइएको छ । प्रतिवेदन तयार भएपछि उक्त नगरपालिकाहरुमा विकास निर्मााणको कार्यहरु अघि बढने जनाइएको छ ।

सो कार्यक्रममा प्रदेश सांसद किशोरी साह (कमल) लगायत, पार्टी नेताहरू ,वडाध्यक्षहरु ,वडासदस्यहरु,माबी भरतपुरका प्रधानाध्यापक ,संचालक समितिको अध्यक्ष ,उपभोक्त समिति लागायतको उपस्थिति रहेको थियो ।