मधेशका मौसममा सुधार, घाम लागेपछि जनजीवन सामान्य

न्यूज ब्यूरो । तराई मधेशका विभिन्न जिल्लामा आज विहानैदेखि बढेको चिसो कम भएको छ । तराई मधेशका विभिन्न भागमा आज विहानैदेखि लागेको हुस्सु पछि घाम लागेपछि मौसममा सुधार आएको हो ।

विहानैदेखि लागेका हुस्सु र चलेका चिसो हावा बताशका कारण हात खुट्टा नै कठ्याङिग्रीन थालेपछि दैनिक काम गर्न सर्वसाधारणलाई समस्या भएको देखिएको थियो ।

मौसममा सुधार भएपछि जनजीवन सामान्य बनेको छ ।

अचानक चिसो बढेपछि दैनिक ज्याला मजदुरी गरी जिविकोपार्जन गर्ने सर्वसधारण बढी प्रभावित भएको थिए भने सर्वसधारणहरु आगो तापेर बसेका थिए । मौसममा सुधार भएपछि जनजीवन सामान्य बनेको छ ।

चिसो बढ्दा बृद्धबृद्धा, बालबालिका गरीब एवं विपन्न घरपरिवारहरु बढी प्रभावित हुने गरेका छन् ।

यता, काठमाण्डौं तिरका जिल्लामा केही दिनदेखि पश्चिमी वायुको प्रभावले बदली भएको मौसममा समेत आजदेखि सामान्य बदली भएको जल तथा मौसम पूर्वानुमान महाशाखाले जनाएको छ ।