करेन्ट अपडेट : ११ हजार भोल्टको करेन्ट लाग्दा यसरी छटपटाउँदै जले यी ६ जना !

जनकपुरधाम, ११ माघ । धनुषामा शुक्रबार (आज) साँझ भएको दुःखद् घटनामा परी ६ जनाको मृत्यू भएको धनुषा प्रहरीले पुष्टि गरेको छ ।

धनुषाको सबैला नगरपालिकाको वडा नं. ८ बल्टिया कोठियामा जन्तीबाट घर फर्किन लागेको बसमा ११ हजार भोल्ट प्रवाह हुँदै गरेको विजुलीको तार छोएपछि ६ जना छटपटाएर जल्दै ज्यान गुमाएको प्रत्यक्षदर्शीहरु बताउँछन् ।

आज भएको सो घटनामा सिन्धुली जिल्लाको दुधौली नगरपालिका वडा नं. ९ को जीतपुर टोलका अन्दाजी वर्ष ९ का आक्रोस कुमार, अन्दाजी वर्ष २२ की पूजा अधिकारी, अन्दाजी वर्ष ३५ की रेशम कुमर, अन्दाजी वर्ष ३० की लिला अधिकारी सहित एक ११ वर्षे बालकको तत्कालै घटना स्थलमै मृत्यू भएको प्रहरीले पुष्टि गरेको हो ।

बेहुला लिएर जानेक्रममा जन्ती बोकेको दुई वटा बसमा ११ हजार भोल्ट प्रवाह हुँदै गरेको तारमा बसको छत छोएपछि घटना भएको प्रहरीले जनाएको छ ।

साँझ करिब ७ बजेको समयमा धनुषाको सबैला नगरपालिका अन्तर्गत पर्ने बल्टिया कोठियामा विजुलीको पोलमा प्रवाह भईरहेको ११ हजार भोल्टको तार ना ५ ख १७५२ नम्बरको जन्ती बोकेको बसमा छुँदा घटनास्थलमै ९ जना जन्तीको मृत्यू भएको प्रारम्भिक खवर प्राप्त भएपनि जिल्ला प्रहरी कार्यालय धनुषाले ६ जनाको मृत्यूको पुष्टि गरेको हो ।

ना ५ ख १७५२ र बा १८ च ५१७५ नम्बरको बसमा सवार करिब ६० जन्ती मध्ये करेन्ट लागेपछि बसबाट भागेका थिए भने बाँकी ६ जनाले त्यही घटनास्थलमै दम तोडेका थिए । करेन्ट लागेपछि उनीहरुको अधिकांश शरिर जलेको थियो भने राम बाबु अधिकारीलाई उपचारको लागि अस्पताल लगिँदै गर्दा बाटोमै मृत्यू भएको प्रहरीले जनाएको छ ।

यसअघि प्रहरीले ९ जनाको मृत्यू भएको हुन सक्ने अनुमानित बयान प्रत्यक्षदर्शी तथा जन्तीलाई उदृत गर्दै प्रारम्भिक अपुष्ट जानकारी दिएका थिए । घटनाको मुचुल्का पछि प्रहरीले ७ जनाको मृत्यूको पुष्टि सहित सनाखत समेत गरेका छन् ।

बसमा सबार मध्ये अन्य भागेको र घाईतेहरुलाई जनकपुर अञ्चल अस्पतालमा उपचार भईरहेको तथा औषधी उपचारको समुचित व्यवस्था गरिएको जिल्ला प्रहरी कार्यालय धनुषाले जनाएको छ । गत शनिबार साँझ मात्र जनकपुरधाम उपमहानगरपालिका वडा नंं. १२ कुवारामपुर स्थित दुई युवकको ११ भोल्टको तारमा मोटरसाईकल छोएपछि घटनास्थलमै मृत्यू भएको थियो ।

११ हजार भोल्टको तारमा करेन्ट लागेर ६ दिनको अन्तरालमा ८ जनाको मृत्यू भएको छ ।

करेन्ट सम्बन्धी समाचार पढनुहोस् ।

दुःखद घटना : धनुषामा जन्ती (बाराती) बोकेको बसमा करेन्ट लाग्दा ६ जनाको मृत्यू !!!