दुःखद घटना : धनुषामा जन्ती (बाराती) बोकेको बसमा करेन्ट लाग्दा ६ जनाको मृत्यू !!!

जनकपुरधाम, ११ माघ । धनुषामा जन्ती बोकेको बसमा करेन्ट लाग्दा ६ जना जन्ती (बाराती) को घटनास्थलमै मृत्यू भएको छ ।

धनुषाको सबैला नगरपालिका अन्तर्गत पर्ने बल्टिया कोठियामा विजुलीको पोलमा प्रवाह भईरहेको ११ हजार भोल्टको तार ना ५ ख १७५२ नम्बरको जन्ती बोकेको बसमा छुँदा घटनास्थलमै ६ जना जन्तीको मृत्यू भएको प्रारम्भिक खवर प्राप्त भएको छ ।

सिन्धुली जिल्लाको दुधौली नगरपालिकाको जीतपुर टोलबाट धनुषाको बल्टिया कोठियामा जन्ती बोकेर आउँदै गरेको बसले ११ हजार भोल्टको तार छोएपछि बसभरि नै करेन्ट प्रवाह भएर बसमा सबारमध्ये ६ जनाको मृत्यू भएको तथा अन्य जन्तीहरु गम्भिर घाईते भएको प्रहरीलाई उदृत गर्दै हाम्रा धनुषा सहकर्मी विनय कुमार यादवले घटनास्थलबाट जानकारी दिएका छन् ।

सबैला करेन्ट घटनाको अपडेट : सो घटनामा सुरुमा ९ जनाको मृत्यू भनेपनि अधिकारीक पुष्टि भने ६ जनाको सनाखत सहित भएको छ । बसमा करेन्ट प्रभाव भईरहँदा ६ जनालाई निकालिएको तथा अन्य ३ जना त्यस बखत बेपत्ता हुँदा जन्तीको बयानको आधारमा ३ जना बसभित्रै जलेको हुन सक्ने आधारमा प्रहरीले पनि सुरुमा ९ जनालाई उदृत गरेको थियो । घटनाको पूर्ण विवरण र अनुसन्धानपछि ६ जनाको अधिकारीक पुष्टी गरिएको हो ।