सिरहामा बस दुर्घटना, १ को मृत्यू, ३० घाईते !

सिरहा, ११ माघ । सिरहामा यात्रुबाहक बस दुर्घटना हुँदा १ जनाको मृत्यू भएको छ भने अन्य ३० जना घाईते भएका छन् । पूर्व पश्चिम राजमार्ग अन्तर्गत सिरहाको कर्जन्हा नगरपालिका ४ स्थित बन्दिपुर र बस्तिपुरको बीचमा शुक्रवार विहान साढे ८ बजेको समयमा ना ५ ख २५८८ नम्बरको यात्रुबाहक बस दुर्घटनामा परेको हो ।

राजबिराजबाट जनकपुरका लागि छुटेको उक्त यात्रुबाहक बसमा सवार घाईते ३१ जनामध्ये १ जनाको उपचारको क्रममा कर्जन्हास्थित फूलकुमारी महतो मेमोरियल हस्पिटलमा मृत्यू भएको छ । अन्य घाईते २९ जनाको कर्जन्हामै उपचार भइरहेको छ भने १ जनालाई मिर्चैयास्थित मंगलम हस्पिटलमा उपचार भइरहेकोे छ ।

बसमा जम्मा ४५ जना सवार रहेको बताइएको छ । दुर्घटनाग्रस्त बस राजमार्गबाट तल खसेको ईप्रका मिर्चैयाले जनाएको छ ।

घटनाबारे थप विवरण आउन बाँकी रहेको छ ।