धनुषा प्रहरीद्धारा ठुलो परिमाणको गाँजा खेती नष्ट

जनकपुरधाम, ५ माघ । जिल्लामा बढदै गएको अपराधिक क्रियाकलपलाई मध्यनजर गर्दै एक्सनमा आएका धनुषा प्रहरीले ठुलो परिमाणको लागुऔषध गाँजा खेती नष्ट गरेका छन् ।

धनुषा प्रहरीले गोप्य सूचनाको आधारमा शहिदनगर नगरपालिकाको बालाबाखर गाउँमा लगाइएको डेढ कठ्ठाको लागुऔषध गाँजा नष्ट गरेको हो । जिल्ला प्रहरी कार्यालय धनुषा र ईलाका प्रहरी कार्यालय सबैलाबाट विशेष सुचनाको आधारमा खटि गएको प्रहरीको संयुक्त टोलिले शहिद नगर नगरपालिका वडा नं. १ बालाबाखर स्थित स्थानीय अज्ञात व्यक्तिले बस्तीमा लुकाइछिपाइ रोपेको अन्दाजी डेढ कठ्ठामा लगाइएको गाँजा खेती प्रहरीले नष्ट गरेको छ ।

उक्त गाँजा कस्को हो भन्ने बारेमा अहिलेसम्म नखुलेको र गाँजा खेती गर्ने गिरोहको खोजिकार्य भैरहेको तथा फाडिएको गाँजा ईलाका प्रहरी सबैलामा ल्याइएको ईलाका प्रहरी कार्यालय सबैलाका प्रहरी नीरिक्षक अबधलाल यादवले जानकारी दिए ।