नेवि संघ महोत्तरीको अध्यक्ष एकलौटी तवरबाट चुनियो, हामि मान्दैनौं : विद्यार्थी नेता झा

न्यूज ब्यूरो, महोत्तरी । नेपाल विद्यार्थी संघ महोत्तरीको अध्यक्ष छनोट प्रक्रिया विवादित बनेको छ । नेविसंघको विधान बिपरित बनेका अध्यक्ष मान्य नहुने अर्का अध्यक्षका आकांक्षी आशुतोष झा (नविन) को तर्क छ ।

नेपाल विद्यार्थी संघ महोत्तरीको १२औं जिल्ला अधिवेशनको क्रममा पौष १५ गतेको बन्द सत्रद्वारा नयाँ नेतृत्वको लागि निर्णायक समितिमा ५ सदस्य समिति गठन गरिएको थियो । उक्त समितिले अध्यक्ष छनोट गर्न नसकेपछि पौष १७ गते पार्टीका शिर्ष नेता एवं नेविसंघ नेता बीच सर्वसम्मतिले अध्यक्ष हुनुपर्ने प्रयास भएको थियो । तर, त्यो प्रयास पनि सफल हुन सकेन ।

लोकतान्त्रिक पद्धति अनुसार नेपाल विद्यार्थी संघ महोत्तरीको अध्यक्ष त्यहीकै विद्यार्थीहरुको सामु चुनिएको हुनुपर्ने उनको माग छ ।

सर्वसम्मतिको सम्भावना नरहेकाले केन्द्रबाट परिवेक्षक बनाएर पठाइएका रघुबिर कार्कीलाई पौष १९ गते फिर्ता बोलाइयो । तर, कार्कीले मनोमानी ढंगले नियम र प्रक्रिया मिचेर एकजना क्षेत्रीय सभापतिलाई अध्यक्ष पदको पत्र काटेर नेविसंघ महोत्तरीमा विवाद सिर्जना गराएको नेता झाले आरोप लगाएको छ ।

नेता झाले भने, ‘हामी लोकतान्त्रिक दलका भातृ संगठन भएकाले सहमतिको प्रयास गरेका थियौं, तर सहमति हुन सकेन । सहमति नभएपछि कुनै एकजना परिवेक्षकले चाहेको व्यक्तिलाई अध्यक्ष मानिने अवस्था छैन । यस्ता बिधान बिपरित पत्र दिने र लिने लाई कारबाही भएन न भने यस्ता एकलौटी निर्णयविरुद्धमा नेपाल विद्यार्थी संघ महोत्तरी संघर्षमाज उत्रिन बाध्य हुन्छौं ।’

लोकतान्त्रिक पद्धति अनुसार नेपाल विद्यार्थी संघ महोत्तरीको अध्यक्ष त्यहीकै विद्यार्थीहरुको सामु चुनिएको हुनुपर्ने उनको माग छ ।